ଭୁବନେଶ୍ୱର: ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଆଉ ୩ ଜଣ ବିଧାୟକ ପ୍ରାର୍ଥୀ ଙ୍କ ନାମ ଘୋଷଣା କରିଛନ୍ତି।
ଭୋଗରାଇ ବିଧାୟକ ଆସନ ପାଇଁ ବିଜେଡି ସାମ୍ବାଦିକ ଗୌତମ ବୁଦ୍ଧ ଦାସଙ୍କୁ ପ୍ରାର୍ଥୀ କରିଥିବା ବେଳେ ବେଗୁନିଆ ଆସନ ପାଇଁ ପୂର୍ବତନ କଂଗ୍ରେସ ନେତା ପ୍ରଦୀପ କୁମାର ସାହୁଙ୍କୁ ଟିକେଟ୍ ଦିଆଯାଇଛି।
ବେଗୁନିଆର ବିଧାୟକ ରାଜେନ୍ଦ୍ର କୁମାର ସାହୁଙ୍କୁ ଖୋର୍ଦ୍ଧା ବିଧାନସଭା ଆସନକୁ ବଦଳି କରାଯାଇଛି। ୨୦୦୯ରେ ସ୍ୱାଧୀନ ପ୍ରାର୍ଥୀ ଭାବେ ଏବଂ ୨୦୧୪ରେ ବିଜେଡିରୁ ଏହି ଆସନରୁ ବିଜୟୀ ହୋଇଥିବାରୁ ଖୋର୍ଦ୍ଧା ବିଧାନସଭା ନିର୍ବାଚନ ମଣ୍ଡଳୀରେ ରାଜେନ୍ଦ୍ରଙ୍କ ଦୃଢ଼ ଦଖଲ ରହିଛି। ତେଣୁ ନିଶ୍ଚିତ ବିଜୟ ପାଇଁ ଦଳ ତାଙ୍କୁ ପୁଣି ଥରେ ଖୋର୍ଦ୍ଧା ପଠାଇଛି ବୋଲି ଦଳୀୟ ସୂତ୍ରରୁ ଜଣାପଡ଼ିଛି।
ଦୁଇ ବିଧାୟକ ଖୋର୍ଦ୍ଧାର ଜ୍ୟୋତିରିନ୍ଦ୍ର ନାଥ ମିତ୍ର ଓ ଭୋଗରାଇର ଅନନ୍ତ ଦାସଙ୍କୁ ଶାସକ ଦଳ ଟିକେଟ ରୁ ବଞ୍ଚିତ କରିଛି।
ପ୍ରଦୀପ କୁମାର ସାହୁ ୨୦୧୯ରେ ବେଗୁନିଆ ବିଧାୟକ ନିର୍ବାଚନ ମଣ୍ଡଳୀରୁ କଂଗ୍ରେସ ଟିକେଟରୁ ନିର୍ବାଚନ ଲଢ଼ି ପ୍ରାୟ ୫୪ ହଜାର ଭୋଟ୍ ପାଇ ଦ୍ବିତୀୟ ସ୍ଥାନରେ ରହିଥିଲେ। କଂଗ୍ରେସରୁ ଇସ୍ତଫା ଦେଇ ପ୍ରଦୀପ ୨୦୨୧ ନଭେମ୍ବରରେ ବିଜେଡିରେ ଯୋଗ ଦେଇଥିଲେ।
କୋରେଇ, ଖଣ୍ଡପଡ଼ା ଓ ନୀଳଗିରି ବିଧାନସଭା ଆସନ ପାଇଁ ବିଜେଡି ଏପର୍ଯ୍ୟନ୍ତ ପ୍ରାର୍ଥୀ ଘୋଷଣା କରିନାହିଁ।