Home Culture ରଥଯାତ୍ରା ପାଇଁ ୪ଥର କୋଭିଡ ପରୀକ୍ଷା

ରଥଯାତ୍ରା ପାଇଁ ୪ଥର କୋଭିଡ ପରୀକ୍ଷା

ପୁରୀ: ବର୍ତ୍ତମାନର କୋଭିଡ -୧୯ ମହାମାରୀ ପରିସ୍ଥିତିକୁ ଦୃଷ୍ଟିରେ ରଖି ଶ୍ରୀଜଗନ୍ନାଥ ମନ୍ଦିର ପ୍ରଶାସନ (ଏସ୍‍ଜେଟିଏ) ରଥଯାତ୍ରାରେ ନିୟୋଜିତ ସେବାୟତ, ପୋଲିସ ଏବଂ ମନ୍ଦିର କର୍ମଚାରୀଙ୍କ ୪ଥର ଆରଟି- ପିସିଆର ପରୀକ୍ଷା କରିବାକୁ ନିଷ୍ପତ୍ତି ନେଇଛି । ଚଳିତ ବର୍ଷ ଜୁଲାଇ୧୨ରୁ ୨୩ ତାରିଖ ପର୍ଯ୍ୟନ୍ତ ଶ୍ରୀଜୀଉମାନଙ୍କ ରଥଯାତା ପର୍ବ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି ।

ସେବାରେ ଯୋଗଦେବାର ୪୮ ଘଣ୍ଟା ପୂର୍ବରୁ ରୀତିନୀତିରେ ଜଡିତ ସମସ୍ତ ସେବାୟତଙ୍କ ପାଇଁ ଆରଟି-ପିସିଆର ପରୀକ୍ଷା କରାଯିବ ।

ସେହିଭଳି ରଥଯାତ୍ରାରେ ଜଡିତ ପୋଲିସ କର୍ମଚାରୀ ଏବଂ ମନ୍ଦିର ଅଧିକାରୀମାନେ ମଧ୍ୟ ପରୀକ୍ଷା କରିବେ । ଏହି ପରୀକ୍ଷା ଚାରୋଟି ପର୍ଯ୍ୟାୟରେ ଯଥା ସ୍ନାନା ଯାତ୍ରା ପୂର୍ବରୁ, ଗୁଣ୍ଡିଚାଯାତ୍ରା ପୂର୍ବରୁ, ବାହୁଡା ଯାତ୍ରାର ପୂର୍ବରୁ ଏବଂ ନୀଲାଦ୍ରୀ ବିଜେର ୧୫ ଦିନ ପରେ କରାଯିବ ।

ଶୁକ୍ରବାର ଦିନ ଭର୍ଚୁଆଲ ମୋଡରେ ଅନୁଷ୍ଠିତ ଏହି ବୈଠକରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ଡକ୍ଟର କ୍ରିଷନ କୁମାରଙ୍କ ଅଧ୍ୟକ୍ଷତାରେ ଚଳିତବର୍ଷର ରଥଯାତ୍ରା ସମୟରେ କୋଭିଡ ପରିଚାଳନା ସହ ଜଡିତ ବିଷୟ ଉପରେ ଆଲୋଚନା କରି ନିଷ୍ପତ୍ତି ନିଆଯାଇଛି ।

ପୁରୀ ଜିଲ୍ଲାପାଳ ସମର୍ଥ ବର୍ମା, ମୁଖ୍ୟ ଜିଲ୍ଲା ଚିକିତ୍ସା ଅଧିକାରୀ (ସିଡିଏମଓ) ଏବଂ ଶ୍ରୀମନ୍ଦିର ପ୍ରଶାସନର ଅନ୍ୟ ବରିଷ୍ଠ ଅଧିକାରୀମାନେ ଏହି ବୈଠକରେ ଯୋଗ ଦେଇଥିଲେ ।

ସେବାୟତ ଏବଂ ସମ୍ପୃକ୍ତ ଅଧିକାରୀଙ୍କ ଟୀକାକରଣ ଉପରେ ଧ୍ୟାନ ଦେବାକୁ ନିଷ୍ପତ୍ତି ନିଆଯାଇଛି । ଶ୍ରୀମନ୍ଦିର ପ୍ରଶାସନ, ପୁରୀ ଜିଲ୍ଲା ପ୍ରଶାସନ ଏବଂ ସିଡିଏମ୍‍ଓ ଦୈନନ୍ଦିନ କାର୍ଯ୍ୟରେ ସମନ୍ୱୟ ରକ୍ଷା ପାଇଁ ନୋଡାଲ ଅଫିସର ନିଯୁକ୍ତ କରିବେ ।

ରଥଯାତ୍ରା ସମୟରେ ସ୍ୱତନ୍ତ୍ର ଡାକ୍ତରୀ ପଦବୀ ସ୍ଥାପନ ପାଇଁ ବିସ୍ତୃତ ଯୋଜନା ପ୍ରସ୍ତୁତ କରାଯିବ । ଯଦି ଆବଶ୍ୟକ ହୁଏ ତେବେ ପରାମର୍ଶରେ ଅତିରିକ୍ତ ଡାକ୍ତରୀ କର୍ମଚାରୀଙ୍କ ମୁତୟନ ଏଥିରେ ଅନ୍ତର୍ଭୂକ୍ତ ହେବ । କୋଭିଡ କଟକଣା ମଧ୍ୟରେ ଯେଉଁ ସେବାୟତମାନେ ରଥକୁ ଟାଣିବେ ସେମାନଙ୍କ ଉପରେ ଧ୍ୟାନ ଦେବାକୁ କୁହାଯାଇଛି ।

ସରକାରୀ ସୂତ୍ରରୁ ପ୍ରକାଶ ଯେ ସ୍ନାନଯାତ୍ରା ଏବଂ ରଥଯାତ୍ରା ସମୟରେ ସେବାୟତମାନଙ୍କ ମଧ୍ୟରେ ପର୍ଯ୍ୟାପ୍ତ ସଂଖ୍ୟକ ମାସ୍କ ବଣ୍ଟନ କରାଯିବ ଏବଂ ସେମାନଙ୍କ ପରିବାର ମଧ୍ୟରେ ହ୍ୟାଣ୍ଡ ସାନିଟାଇଜର ବଣ୍ଟନ କରାଯିବ ।

ରାଜ୍ୟ ସରକାରଙ୍କ ନିର୍ଦ୍ଦେଶ ଅନୁଯାୟୀ ରୀତିନୀତି ପାଳନ ସମୟରେ କ’ଣ କରାଯିବ ଏବଂ କ’ଣ କରାନଯିବ ସେ ସଂକ୍ରାନ୍ତରେ ନିଯୋଗଗୁଡିକୁ ସଚେନ କରାଯିବ ।

କୋଭିଡ-୧୯ ରେ କ’ଣ କରାଯିବ ଓ କ’ଣ କରାନଯିବ ସେ ସଂକ୍ରାନ୍ତୀୟ ଏକ ପୁସ୍ତକ ପ୍ରସ୍ତୁତ ହୋଇ ଉତ୍ସବ ପାଇଁ ନିୟୋଜିତ ହେବାକୁ ଥିବା ସମସ୍ତ ସେବାୟତ ଏବଂ ଅଧିକାରୀଙ୍କ ମଧ୍ୟରେ ବଣ୍ଟନ କରାଯିବ ।

ବୈଠକ ସମୟରେ ସମସ୍ତ ସଂପୃକ୍ତ ବ୍ୟକ୍ତିଙ୍କୁ ଓଡ଼ିଶାର ସ୍ୱତନ୍ତ୍ର ରିଲିଫ୍ କମିଶନର (ଏସଆରସି) ଙ୍କ ନିର୍ଦ୍ଦେଶଗୁଡ଼ିକର ସମ୍ପୂର୍ଣ୍ଣ ଅନୁପାଳନ ନିଶ୍ଚିତ କରିବାକୁ ଅନୁରୋଧ କରାଯାଇଥିଲା ।

ଗତ ବର୍ଷ ଭଳି, ଚଳିତ ବର୍ଷ ମଧ୍ୟ ପୁରୀରେ ରଥଯାତ୍ରା ବିନା ଭକ୍ତରେ ହେବ ଏବଂ ଜାରି ରହିଥିବା କୋଭିଡ -୧୯ ମହାମାରୀ ଯୋଗୁଁ ସହରରେ କର୍ଫ୍ୟୁ ଲାଗୁ କରାଯିବ ।

LEAVE A REPLY

Please enter your comment!
Please enter your name here