ଭୁବନେଶ୍ୱର: ରାଜ୍ୟ ତଥା ବିଶେଷକରି ରାଜଧାନୀ ଭୁବନେଶ୍ୱରରେ କୋଭିଡ ମାମଲାରେ ଦ୍ରୁତ ବୃଦ୍ଧିକୁ ଦୃଷ୍ଟିରେ ରଖି ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦର (ବିପିଏ) ରେ ପହଞ୍ଚୁଥିବା ସମସ୍ତ ଯାତ୍ରୀଙ୍କ ପାଇଁ ଆରଟିପିସିଆର ପରୀକ୍ଷା ବାଧ୍ୟତାମୂଳକ କରାଯାଇଛି ।
ଭୁବନେଶ୍ୱର ମହାନଗର ନିଗମ (ବିଏମସି) ଗୁରୁବାର ଏ ସଂକ୍ରାନ୍ତରେ ଏକ ନିର୍ଦ୍ଦେଶନାମା ଜାରି କରିଛି । ଭୁବନେଶ୍ୱରରେ ଯାତ୍ରା କରୁଥିବା ସମସ୍ତ ବିମାନ ଯାତ୍ରୀଙ୍କୁ ନିର୍ଦ୍ଦେଶ ଅନୁଯାୟୀ ବିଏମସି ଦ୍ୱାରା ପ୍ରଦାନ କରାଯାଇଥିବା ପରୀକ୍ଷଣ ସୁବିଧାରେ ଆରଟିପିସିଆର ପରୀକ୍ଷା ଦେବାକୁ ପଡିବ । ଏହି ନୂତନ ଆଦେଶ ଜାନୁୟାରୀ ୭, ୨୦୨୨ ଠାରୁ ପରବର୍ତ୍ତୀ ଆଦେଶ ପର୍ଯ୍ୟନ୍ତ କାର୍ଯ୍ୟକାରୀ ହେବ ।
ବିମାନ ଯାତ୍ରୀ ଯେଉଁମାନେ ପୂର୍ବରୁ ସଂପୂର୍ଣ୍ଣ ଟୀକାକରଣ କରିସାରିଛନ୍ତି କିମ୍ବା ଆରଟି- ପିସିଆର ନେଗେଟିଭ ରିପୋର୍ଟ ମଧ୍ୟ ଅଛି ସେମାନଙ୍କୁ ବି ବିମାନ ବନ୍ଦରରେ ପରୀକ୍ଷା କରିବାକୁ ପଡ଼ିବ ।
ଯାତ୍ରୀମାନଙ୍କ ପାଇଁ ବିମାନ ବନ୍ଦରରେ ଆରଟିପିସିଆର ପରୀକ୍ଷା ସୁବିଧା ସ୍ଥାପନ କରିବାକୁ ବିଏମସି ନିଷ୍ପତ୍ତି ନେଇଛି ।
ଯେଉଁ ଯାତ୍ରୀମାନେ ଭୁବନେଶ୍ୱରରେ ରହିବେ ସେମାନେ ରିପୋର୍ଟ ସୂଚନା ବିଏମସି ଦ୍ୱାରା ଦିଆ ନଯିବା ପର୍ଯ୍ୟନ୍ତ ଘରେ ନିଜକୁ ଅଲଗା କରିବାକୁ ପଡିବ ।
ଯଦି ଯାତ୍ରୀମାନଙ୍କ ମଧ୍ୟରେ ପଜିଟିଭ ମାମଲା ମିଳେ, ତେବେ ସାଧାରଣ ପ୍ରୋଟୋକଲ୍ ଅନୁସରଣ କରାଯିବ ବିମାନବନ୍ଦର ନିର୍ଦ୍ଦେଶକଙ୍କୁ ଉପରୋକ୍ତ ଗାଇଡଲାଇନର କଠୋର ଅନୁକରଣ ନିଶ୍ଚିତ କରିବାକୁ ପଡିବ ।
କୋଭିଡ -୧୯ ର ଏକାଧିକ ମାମଲା ଚିହ୍ନଟ ହେବା ପରେ ମହାନଗର ନିଗମ ସହରର ୧୪ଟି ଅଞ୍ଚଳକୁ କଣ୍ଟେନମେଣ୍ଟ ଜୋନ୍ ଭାବରେ ଘୋଷଣା କରିଛି ।
ବିଏମସି ନିର୍ଦ୍ଦେଶ ଦେଇଛି ଯେ କୌଣସି ଜନସାଧାରଣଙ୍କୁ କଣ୍ଟେନମେଣ୍ଟଣ୍ଟ ଜୋନ୍ ଭିତରକୁ ଯିବାକୁ ଦିଆଯିବ ନାହିଁ ଏବଂ କଣ୍ଟେନମେଣ୍ଟ ଜୋନ୍ ଭିତରେ ରହୁଥିବା ବାସିନ୍ଦା ବାହାରକୁ ଯିବେ ନାହିଁ । ବିଏମସି ଅତ୍ୟାବଶ୍ୟକ ସାମଗ୍ରୀ ଯୋଗାଇବ ଏବଂ କଣ୍ଟେନମେଣ୍ଟଣ୍ଟଜୋନରେ ରହୁଥିବା ବାସିନ୍ଦାଙ୍କ ପାଇଁ ଚିକିତ୍ସା ଆବଶ୍ୟକତା ନିଶ୍ଚିତ କରିବ ।