Home Covid କୋଭିଡ ମୁକାବିଲା ପାଇଁ ୪୪୦୦ ଶଯ୍ୟା

କୋଭିଡ ମୁକାବିଲା ପାଇଁ ୪୪୦୦ ଶଯ୍ୟା

ଭୁବନେଶ୍ୱର : କୋଭିଡର ସମ୍ଭାବ୍ୟ ତୃତୀୟ ଲହରକୁ ଦୃଷ୍ଟିରେ ରଖି ବିଭିନ୍ନ ଡାକ୍ତରଖାନାରେ ଅତି କମରେ ୪୪୦୦ ଶଯ୍ୟା ଶିଶୁଙ୍କ ପାଇଁ ପ୍ରସ୍ତୁତ ରଖିବାକୁ ରାଜ୍ୟ ସରକାର ପଦକ୍ଷେପ ନେଇଛନ୍ତି । ସୂଚନାନୁସାରେ, ଶିଶୁଙ୍କ କୋଭିଡ ଚିକିତ୍ସା ପାଇଁ ୩୦୦୦ ଶଯ୍ୟା ସୃଷ୍ଟି କରାଯାଇଛି । ସେଥି ମଧ୍ୟରୁ ୬୭୪ ଟି ଶଯ୍ୟା ଗୁରୁତରଙ୍କ ପାଇଁ ରହିଛି । ଅତିରିକ୍ତ ୧୪୦୦ ଶଯ୍ୟା (ଯେଉଁଥିରୁ ୫୦୦ ଟି ଆଇସିୟୁ) ତାହାର ପ୍ରସ୍ତୁତି ଚାଲିଛି ।

ବର୍ତ୍ତମାନ ଥିବା କୋଭିଡ ହସ୍ପିଟାଲରେ ଅତି କମରେ ୧୫ ପ୍ରତିଶତ ଶଯ୍ୟା ଶିଶୁଙ୍କ ପାଇଁ ସଂରକ୍ଷିତ ରହିଛି । ଏଥି ମଧ୍ୟରେ ସମସ୍ତ ଡିଏଚ୍‍ଏଚ୍‍ / ଏସ୍‍ଡିଏଚ୍‍ ରେ ୧୦ ଶଯ୍ୟା ଏବଂ ସମସ୍ତ ସିଏଚ୍‍ସିରେ ୨ ରୁ୪ ଶଯ୍ୟା ପିଲାମାନଙ୍କ ପାଇଁ ରହିଛି । ସମସ୍ତ ୭ଟିି ମେଡିକାଲ୍ କଲେଜ୍ ଏବଂ ହସ୍ପିଟାଲରେ ଶିଶୁଙ୍କ ପାଇଁ କୋଭିଡ କେୟାର ୟୁନିଟ୍ ଗଠନ କରାଯାଇଛି । ବେସରକାରୀ ଡାକ୍ତରଖାନା, ନର୍ସିଂହୋମଗୁଡିକ ମଧ୍ୟ ଶଯ୍ୟା ସହାୟତା ଯୋଗାଇଦେବେ ।

୪୦ ଟି ସାଧାରଣ ଏବଂ ୧୦ ଟି ଆଇସିୟୁ ଶଯ୍ୟା ସହିତ କୋଭିଡ ଚିକିତ୍ସା ପାଇଁ କଟକ ଶିଶୁ ଭବନକୁ ସେଣ୍ଟର ଅଫ୍‍ ଏକ୍ସଲେନ୍ସି ଏବଂ ଟେଲି-ହବ୍ ଭାବରେ ଘୋଷଣା କରାଯାଇଛି । ଭିତ୍ତିଭୂମିର ପ୍ରକୃତ ସମୟ ସ୍ଥିତି ପାଇଁ କୋଭିଡ ପୋର୍ଟାଲରେ ଡାଟାବେସ୍ ପ୍ରସ୍ତୁତ କରାଯାଇଛି । ସମସ୍ତ ଜିଲ୍ଲାରେ ଆରଟି- ପିସିଆର ଲ୍ୟାବ ପ୍ରତିଷ୍ଠା ହୋଇଥିବାବେଳେ ସେପ୍ଟେମ୍ବର ଏବଂ ଅକ୍ଟୋବର ମାସରେ ମଧ୍ୟ ମାମଲା ସଂଖ୍ୟା ହ୍ରାସ ସତ୍ତ୍ୱେ ଆଗାମୀ ପାର୍ବଣଋତୁକୁ ଦୃଷ୍ଟିରେ ରଖି ପ୍ରତିଦିନ ୭୦,୦୦୦ ପରୀକ୍ଷା ସ୍ତରକୁ ବଜାୟ ରଖିବାକୁ ନିଷ୍ପତ୍ତି ନିଆଯାଇଛି ।

ଜିଲ୍ଲାପାଳ ଏବଂ କୋଭିଡ ପର୍ଯ୍ୟବେକ୍ଷକମାନଙ୍କୁ ନିର୍ଦ୍ଦେଶ ଦିଆଯାଇଛି ଯେ କୌଣସି ପରିସ୍ଥିତିରେ ପରୀକ୍ଷା ହ୍ରାସ ପାଇବନାହିଁ । ବର୍ତ୍ତମାନ ସମସ୍ତ ଜିଲ୍ଲାରେ ଉପଲବ୍ଧ ନୂତନ ଲ୍ୟାବଗୁଡିକ ଆରଟି-ପିସିଆର ପରୀକ୍ଷାକୁ ବୃଦ୍ଧି କରିବା ପାଇଁ ବ୍ୟବହାର କରାଯାଇପାରିବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୧୬ ଟି ଜିଲ୍ଲା ମୁଖ୍ୟାଳୟରେ ସମସ୍ତ ନୂତନ ଆରଟି- ପିସିଆର ଲ୍ୟାବ ଉଦଘାଟନ କରିବାର ସମ୍ଭାବନା ରହିଛି । ଯେକୌଣସି ଘଟଣାର ମୁକାବିଲା ପାଇଁ ପର୍ଯ୍ୟାପ୍ତ ସଂଖ୍ୟକ ସିଲିଣ୍ଡର ଏବଂ କନସେନଟ୍ରେଟର ଉପଲବ୍ଧ । ଅମ୍ଳଜାନ ଏବଂ ଔଷଧ ଏବଂ ଉପଭୋକ୍ତା ସାମଗ୍ରୀ ଯୋଗାଇବା ପାଇଁ ଅତିରିକ୍ତ କ୍ଷମତା ସୃଷ୍ଟି କରାଯାଇଛି ।

କେନ୍ଦ୍ର ସରକାରଙ୍କ ନିର୍ଦ୍ଦେଶ ପୂର୍ବରୁ ରାଜ୍ୟ ସରକାର ଡିଏମ୍‍ଇଟିଙ୍କ ଅଧ୍ୟକ୍ଷତାରେ ଏକ ଟାସ୍କଫୋର୍ସ ଗଠନ କରିଥିବାବେଳେ ଏହା କୋଭିଡ ମୁକାବିଲାର କାର୍ଯ୍ୟଯୋଜନା ପ୍ରସ୍ତୁତ କରିଥିଲେ । ମୁଖ୍ୟ ଶାସନ ସଚିବଙ୍କ ନେତୃତ୍ୱରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ନିର୍ଦ୍ଦେଶାବଳୀ ଅନୁଯାୟୀ ଏହା ପରବର୍ତ୍ତୀ ସମୟରେ ପରିବର୍ତ୍ତନ କରାଯାଇଥିଲା । ଇତି ମଧ୍ୟରେ ରାଜ୍ୟ ସ୍ତରରେ ଟାସ୍କଫୋର୍ସ ଏବଂ ଜିଲ୍ଲାପାଳ ନେତୃତ୍ୱରେ ଗଠିତ ଟାସ୍କଫୋର୍ସ ଉଭୟ ରାଜ୍ୟ ତଥା ଜିଲ୍ଲା ସ୍ତରୀୟ କାର୍ଯ୍ୟ ଯୋଜନା ଚୂଡ଼ାନ୍ତ ତଥା କାର୍ଯ୍ୟକାରୀ କରିଛନ୍ତି । ଶିଶୁଙ୍କ କୋଭିଡ ଚିକିତ୍ସା ପାଇଁ ଚଳିତବର୍ଷ ଜୁଲାଇ ୨ତାରିଖରେ ମୁଖ୍ୟମନ୍ତ୍ରୀଙ୍କ ଦ୍ୱାରା ଦକ୍ଷତା ବିକାଶ ଉଦ୍‍ଘାଟିତ ହୋଇଥିଲା । ଏହି ସମୟ ମଧ୍ୟରେ ପ୍ରଶିକ୍ଷଣର ସମସ୍ତ ଲକ୍ଷ୍ୟ ସମାପ୍ତ ହୋଇଛି ।

ସ୍ୱାସ୍ଥ୍ୟ ବିଭାଗ ଶିଶୁଙ୍କ କୋଭିଡ ଚିକିତ୍ସା ଉପରେ ୧୭ ଟି ୱେବିନାର୍ କରିଛି (୨୨୦୦ ଡାକ୍ତର, ୧୫୦୦ ପାରାମେଡିକ୍ସ ଅଂଶଗ୍ରହଣ କରିଛନ୍ତି) ୧୪୫ ଶିଶୁ ବିଶେଷଜ୍ଞ, ୧୮୨୬ ମେଡିକାଲ୍ ଅଫିସର, ଷ୍ଟାଫ ନର୍ସ -୫୬୫୦, ଏଏନ୍‍ଏମ୍‍-୧୧୭୧୬, ଆଶା-୪୫୮୧୨ ଏବଂ ଅଙ୍ଗନବାଡିକର୍ମୀ-୭୦୨୮୫ ଙ୍କୁ ଦକ୍ଷତା ବିକାଶ ତାଲିମ ପ୍ରଦାନ କରାଯାଇଛି । ସମସ୍ତ ଆବଶ୍ୟକୀୟ କର୍ମଚାରୀ ଉଭୟ ଡାକ୍ତର ଏବଂ ପାରାମେଡିକ୍ସ ଶିଶୁ ଶିଶୁଙ୍କ କୋଭିଡ ଚିକିତ୍ସା ଉପରେ ତାଲିମ ଦିଆଯାଇଛି ଏବଂ କୋଭିଡ ମାମଲା ବୃଦ୍ଧି ହେଲେ ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ପ୍ରସ୍ତୁତ କରାଯାଇଛି (ତଥ୍ୟ)

LEAVE A REPLY

Please enter your comment!
Please enter your name here