Home Health ଓଡିଶାରେ କରୋନା କିଲର

ଓଡିଶାରେ କରୋନା କିଲର

247
0

ଭାରତୀୟ ଭେଷଜ ଗବେଷଣା ପରିଷଦ (ଆଇସିଏମ୍‍ଆର) ଏବଂ ନେସନାଲ ଇନ୍‍ଷ୍ଟିଟ୍ୟୁଟ ଅଫ୍‍ ଭାଇରୋଲୋଜି (ଏନ୍‍ଆଇଭି) ଦ୍ୱାରା ଅନୁମୋଦିତ କରୋନା ଭୂତାଣୁକୁ ମାରି ପାରୁଥିବା ଯନ୍ତ୍ର ‘କରୋନା କିଲର’ ଆଜି ଓଡିଶାରେ ପ୍ରବେଶ କରିଛି । ପୁଣେ ସ୍ଥିତ ଭାରତୀୟ କମ୍ପାନୀ ଇଣ୍ଡୋଟେକ ସଲ୍ୟୁସନ ଲିମିଟେଡ ପକ୍ଷରୁ ଆଜି ଆନୁଷ୍ଠାନିକ ଭାବେ ଏହାର ଉନ୍ମୋଚନ ହୋଇଛି ।

କମ୍ପାନୀର ପରିଚାଳନା ନିର୍ଦ୍ଦେଶକ ଭାଉସାହେବ ଜଞ୍ଜିରେ ଓ ଓଡିଶା ମୁଖ୍ୟ କ୍ରିଷ୍ଟା ପଟ୍ଟନାୟକ ମିଳିତ ଭାବେ ଏହାର ଉନ୍ମୋଚନ କରିଛନ୍ତି । କରେନା କିଲର ଯନ୍ତ୍ର ସଂକ୍ରାନ୍ତରେ ବିସ୍ତୃତ ସୂଚନା ଦେଇ ଶ୍ରୀ ଜଞ୍ଜିରେ କହିଥିଲେ ଯେ ବିଦ୍ୟୁତ୍‍ ଚାଳିତ ଏହି ଯନ୍ତ୍ର ଦ୍ୱାରା ଛୋଟ କୋଠରୀ ଠାରୁ ଆରମ୍ଭ କରି ବିଭିନ୍ନ ଦପ୍ତର ଓ ଚିକିତ୍ସାଳୟକୁ କରୋନା ମୁକ୍ତ କରାଯାଇ ପାରିବ । ଏଥିରେ କୌଣସି ରସାୟନିକ ପଦାର୍ଥ ବ୍ୟବହାର ହେଉନଥିବାରୁ ଏହା ପରିବେଶ ଅନୁକୂଳ । ଏହା କରୋନା ଭୂତାଣୁ ସହିତ ଘରେ ଥିବା ଅନ୍ୟାନ୍ୟ ବ୍ୟାକ୍ଟେରିଆ ଆଦିକୁ ମଧ୍ୟ ବିନାଶ କରିବ ।

ପୁଣେ ସ୍ଥିତ ନାଇଡୁ ହସ୍ପିଟାଲରେ ଏହା ବହୁଳ ବ୍ୟବହାର ହେଉଥିବାବେଳେ ବର୍ତ୍ତମାନ କମ୍ପାନୀ ପକ୍ଷରୁ ଆମେରିକା, ଅଷ୍ଟ୍ରେଲିଆ, ସିଙ୍ଗାପୁର, ଦୁବାଇ, ନେପାଳ, ଫିଲିପାଇନ୍ସ ଆଦି ଦେଶକୁ ଏହା ରପ୍ତାନି କରାଯାଉଛି । ଦେଶ ମଧ୍ୟରେ ମଧ୍ୟ ଏହାର ଚାହିବା ବଢିବାରେ ଲାଗିଛି ।

କେବଳ କୌଣସି କୋଠରୀ ନୁହେଁ, ଏହାଦ୍ୱାରା ଗାଡିମୋଟର, ବିମାନ, ବିଦ୍ୟାଳୟ, ପରୀକ୍ଷାଗାର, ପନି ପରିବା ସହିତ ପୋଷାକପତ୍ର ଆଦିକୁ ମଧ୍ୟ ସହଜରେ କରୋନା ମୁକ୍ତ କରାଯାଇ ପାରିବ । ବିଭିନ୍ନ ସ୍ଥାନରେ ଏହାର ବ୍ୟବହାର ଲାଗି ବିଭିନ୍ନ ଆକୃତିର କରୋନା କିଲର ପ୍ରସ୍ତୁତ ହୋଇଛି ।

ସମଗ୍ର ଦେଶରେ କରୋନା କିଲର ଚାହିଦା ଦୃଷ୍ଟିରୁ କମ୍ପାନୀ ଏହାର ଉତ୍ପାଦନକୁ ଦୈନିକ ୨୦୦ରୁ ୭୦୦ ୟୁନିଟ୍‍କୁ ବୃଦ୍ଧି କରିଥିବା ଶ୍ରୀ ଜଞ୍ଜିରେ ସୂଚନା ଦେଇଛନ୍ତି ।
 

LEAVE A REPLY

Please enter your comment!
Please enter your name here