Home Administration ଅନଲାଇନରେ ବିଲଡିଂ ପ୍ଲାନ୍ ମଞ୍ଜୁରୀ

ଅନଲାଇନରେ ବିଲଡିଂ ପ୍ଲାନ୍ ମଞ୍ଜୁରୀ

191
0

ଭୁବନେଶ୍ୱର : ୫-ଟି ପଦକ୍ଷେପ ଅନ୍ତର୍ଗତ ଆଉ ଏକ ପରିବର୍ତ୍ତନଶୀଳ ପଦକ୍ଷେପ, ସ୍ଥାୟୀ ସହରୀ ସେବା ଅଧୀନରେ ଥିବା ଅନ୍‍ ଲାଇନ୍‍ ବିଲ୍ଡିଂ ପ୍ଲାନ ଆପ୍ରୁଭାଲ ସିଷ୍ଟମ (ଓବିପିଏଏସ୍‍)କୁ ଆଜି ପଞ୍ଚାୟତିରାଜ, ପାନୀୟଜଳ, ଆଇନ, ଗୃହ ଏବଂ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ଶୁଭାରମ୍ଭ କରିଛନ୍ତି ।

ରାଜ୍ୟର ସହରାଞ୍ଚଳରେ ବସବାସ କରୁଥିବା ନାଗରିକମାନଙ୍କୁ ଅତ୍ୟାଧୁନିକ ଆଇସିଟି ସୁବିଧାଯୁକ୍ତ ସେବା ଯୋଗାଇବା ପାଇଁ ଏହି ପରିବର୍ତ୍ତନଶୀଳ ପଦକ୍ଷେପ ଉଦ୍ଦିଷ୍ଟ । ର୍ନିମାଣ ଯୋଜନା ପ୍ରୟୋଗ ଏବଂ ବ୍ୟବସାୟ କରିବାର ସହଜତାକୁ ନିଶ୍ଚିତ କରିବା ଇଜ୍‍ ଅଫ୍‍ ଡୁଇଙ୍ଗ ବିଜିନେସ୍‍ ଅନ୍ତର୍ଭୂକ୍ତ କରି ସମଗ୍ର ବିଲଡିଂ ପ୍ଲାନ୍ ଅନୁମୋଦନ ପ୍ରକ୍ରିୟା ପାଇଁ ଅନ୍‍ ଲାଇନ୍‍ ବିଲ୍ଡିଂ ପ୍ଲାନ ଆପ୍ରୁଭାଲ ସିଷ୍ଟମ (ଓବିପିଏଏସ୍‍) । ସ୍ୱୟଂଚାଳିତ କୋଠାବାଡି ନକ୍ସାର ଅନୁମତି, ଦେୟ ପ୍ରଦାନ, ବିଲ୍ଡିଂ ଅନୁମତି ଆବେଦନ ପ୍ରକ୍ରିୟା, ପ୍ଲିନ୍ଥ ଠାରୁ ଛାତ ଯାଏଞ୍ଚତଦରଖ ପ୍ରମାଣପତ୍ର ଆଦି ଏହାଦ୍ୱାରା ହୋଇପାରିବ ।

ଏହି ଅବସରରେ ମନ୍ତ୍ରୀ ଶ୍ରୀ ଜେନା କହିଛନ୍ତି ଯେ ଓବିପିଏଏସ୍‍ ନାଗରିକ, ସ୍ଥପତି ଏବଂ ବୈଷୟିକ ବ୍ୟକ୍ତିଙ୍କ ଆବଶ୍ୟକତାକୁ ପୂରଣ କରିବ ଯେତେବେଳେ କି ଓଡିଏ ଅଧିନିୟମ, ୧୯୮୨ ରେ ବ୍ୟାଖ୍ୟା କରାଯାଇଥିବା ବିଭିନ୍ନ ନିୟମ ମାନିବା ପାଇଁ ର୍ନିମାଣ ଯୋଜନା ଏବଂ ସବିଶେଷ ତଥ୍ୟର ସଫ୍ଟୱେୟାର ଆଧାରିତ ଯାଞ୍ଚଞ୍ଚପ୍ରଦାନ କରିଥାଏ । ବିଲଡିଂ ଅନୁମତି ଏବଂ ସାର୍ଟିଫିକେଟ୍ ପ୍ରୟୋଗଗୁଡ଼ିକର ଅନଲାଇନ୍ ଅନୁମୋଦନ ସହିତ ସ୍ୱୟଂଚାଳିତ ଫି ହିସାବ ଏବଂ ଆଦାୟ ଏବଂ ଏକ ଉପଭୋକ୍ତା-ଅନୁକୂଳ ବ୍ୟବସ୍ଥା ସହିତ ଅନଲାଇନ୍ ଦେୟକୁ ସହଜ କରିବ । ଶାସନ ଉତ୍ତମ ସେବା ଯୋଗାଇବା କ୍ଷେତ୍ରରେ ବୈଷୟିକ ଜ୍ଞାନକୌଶଳ ବ୍ୟବହାର କରି ଲୋକଙ୍କ ଆବଶ୍ୟକତା ପୂରଣ କରିବା ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଭିଜନ ଥିବା ଶ୍ରୀ ଜେନା କହିଛନ୍ତି ।

ଏହି ବ୍ୟବସ୍ଥାରେ ବିଭିନ୍ନ ସରକାରୀ ବିଭାଗ ମଧ୍ୟରେ ଏକ ନିରନ୍ତର ଓ ସମନ୍ୱିତ କାର୍ଯ୍ୟ ପ୍ରବାହ ଧାର୍ଯ୍ୟ କରାଯାଇଛି । ଏହିପରି, ସର୍ବନିମ୍ନ ମାନବ ହସ୍ତକ୍ଷେପ ସହିତ ବିଲଡିଂ ଅନୁମୋଦନ ପ୍ରକ୍ରିୟାକୁ ଅତ୍ୟନ୍ତ ନମନୀୟ ଏବଂ ସ୍ଥାୟୀ ସମାଧାନ ଲାଗି ବୈଷୟିକ ଜ୍ଞାନକୌଶଳର ବ୍ୟବହାର ଏବଂ ନୀତି ପରିବର୍ତ୍ତନ ଭବିଷ୍ୟତରେ ଉଦାହରଣ ପାଲଟିବ । ମନ୍ତ୍ରୀ ଶ୍ରୀ ଜେନା ଆହୁରି କହିଛନ୍ତି ଯେ, ଦକ୍ଷତା ବୃଦ୍ଧି କରିବା ଏବଂ ନାଗରିକମାନଙ୍କୁ ଅତ୍ୟାଧୁନିକ ଜ୍ଞାନକୌଶଳ ମାଧ୍ୟମରେ ସହରାଞ୍ଚଳ ସେବା ଯୋଗାଇବାର ଏକ ଅନନ୍ୟ ଅନୁଭୂତି ପ୍ରଦାନ କରିବା ପାଇଁ ଲକ୍ଷ୍ୟ ରଖିଛି ।

ବିଭାଗର ପ୍ରମୁଖ ସଚିବ ଶ୍ରୀ ଜି ମାଥୀ ଭାଥନନ୍ ତାଙ୍କ ସ୍ୱାଗତ ଭାଷଣରେ ସୂଚନା ଦେଇଛନ୍ତି ଯେ ସୁଯୋଗ ଅଧୀନରେ ଓବିପିଏଏସ୍‍ ଆନୁଷ୍ଠାନିକ ଉନ୍ମୋଚନ ସହିତ ଓଡ଼ିଶା ସରକାର ଏହାକୁ ନାଗରିକ କୈନ୍ଦ୍ରିକରେ ପରିଣତ କରିବା ପାଇଁ ପ୍ରତିବଦ୍ଧତାକୁ ଦୋହରାଇଛନ୍ତି । ଗୃହ ଏବଂ ନଗର ଉନ୍ନୟନ ବିଭାଗ ଏହାର ସମସ୍ତ ସହରୀ ସେବାକୁ ଖୁବ୍ ଶୀଘ୍ର ସୁଯୋଗ ପ୍ଲାଟଫର୍ମକୁ ସ୍ଥାନାନ୍ତର କରିବ ବୋଲି ପ୍ରମୁଖ ସଚିବ ସୂଚନା ଦେଇଥିଲେ । ଅନ୍ୟମାନଙ୍କ ମଧ୍ୟରେ ଶିଳ୍ପ ବିାଭଗର ପ୍ରମୁଖ ସଚିବ ହେମନ୍ତ ଶର୍ମା, ପୌର ନିର୍ଦ୍ଦେଶକ ସଂଗ୍ରାମଜିତ ନାୟକ, ଯୁଗ୍ମ ସଚିବ ସୁଶାନ୍ତ ମିଶ୍ର, ଉପ ସଚିବ ସାରଦା ପ୍ରସାଦ ପଣ୍ଡା ଉପସ୍ଥିତ ଥିବାବେଳେ ଭର୍ଚୁଆଲ ମୋଡ୍‍ରେ କଟକ ଜିଲ୍ଲାପାଳ ତଥା ସିଡିଏର ଉପାଧ୍ୟକ୍ଷ, କଟକ ମହାନଗର ନିଗମର କମିଶନର ତଥା ସିଡିଏର ସଚିବ ଉପସ୍ଥିତ ରହିଥିଲେ ।

LEAVE A REPLY

Please enter your comment!
Please enter your name here