ଭୁବନେଶ୍ଵର : ରାଜଧାନୀର ୟୁନିଟ୍ ୪ ମାଛ ହାଟର ଚେହେରା ବଦଳିବ । ଏଠାରେ ପ୍ରତିଦିନ ପ୍ରାୟ ୧୫୦ ଜଣ ଅସ୍ଥାୟୀ ମାଛ ବିକ୍ରେତା ମାଛ ବିକ୍ରୟ କରନ୍ତି l କିନ୍ତୁ ସେମାନଙ୍କ ପରିମଳ ଅଭ୍ୟାସ ଉଚିତ ନଥିବା ବି ଏମ୍ ସି ନଜରରେ ଆସିଛି l ସମ୍ପୃକ୍ତ ଅଞ୍ଚଳକୁ ପରିଚ୍ଛନ୍ନ ରଖିବା ପାଇଁ ଆଜି ବି ଏମ୍ ସି ତରଫରୁ ସଚେତନ କରାଯାଇଛି l
ଯଦିଓ ମାଂସ ବିକ୍ରେତାଙ୍କ ପାଇଁ ୧୭ଟି ଆଉଟଲେଟ୍ ନିର୍ମାଣ କରାଯାଇଛି କିନ୍ତୁ ସେମାନେ ଏହି ଆଉଟଲେଟ୍ଗୁଡ଼ିକରେ ମାଂସ ବିକ୍ରୟ କରିପାରୁ ନାହାଁନ୍ତି କାରଣ ମାଛ ବିକ୍ରେତା ରାସ୍ତା ପାର୍ଶ୍ୱରେ ବିକ୍ରି କରୁଛନ୍ତି ଏବଂ ଗ୍ରାହକମାନଙ୍କ ପାଇଁ ସେହି ୧୭ଟି ଆଉଟଲେଟ୍କୁ ଯିବା ପାଇଁ କୌଣସି ରାସ୍ତା ନାହିଁ।
ତେଣୁ, ମାଂସ ବିକ୍ରେତାମାନେ ମଧ୍ୟ ରାସ୍ତା ପାର୍ଶ୍ୱରେ ବିକ୍ରୟ କରନ୍ତି। ଏହା ଭେଣ୍ଡିଂ ଅଞ୍ଚଳରେ ଅସ୍ୱାଭାବିକ ପରିସ୍ଥିତି ସୃଷ୍ଟି କରିଛି ଯାହା ଅଧିକାଂଶ ମାଛ ବିକ୍ରେତାଙ୍କ ଦ୍ୱାରା ସୃଷ୍ଟି ହୋଇଛି।
ଭେଣ୍ଡିଂ କ୍ଷେତ୍ରକୁ ସୁବ୍ୟବସ୍ଥିତ କରିବା ଏବଂ ବିକ୍ରେତାମାନଙ୍କ ପରିମଳ ଅଭ୍ୟାସକୁ ନିୟନ୍ତ୍ରଣ କରିବା ପାଇଁ, ମାନ୍ୟବର ମେୟର ଏବଂ କମିଶନରଙ୍କ ନେତୃତ୍ୱରେ ଟିମ୍ ବିଏମସି ଆଜି ସକାଳେ ଏହି ଅଞ୍ଚଳକୁ ଆକସ୍ମିକ ପରିଦର୍ଶନ କରିଥିଲେ। ସ୍ଥାନୀୟ ବ୍ୟବସାୟୀମାନଙ୍କ ସହିତ ଆଲୋଚନା କରାଯାଇ ଅଞ୍ଚଳର ବିକାଶ ରେ ସହଯୋଗ କରିବାକୁ ଅନୁରୋଧ କରଯାଇଛି l
ସେହି ଅଞ୍ଚଳର ବିକ୍ରେତାମାନଙ୍କୁ ତାଲିକାଭୁକ୍ତ କରିବା ପାଇଁ ଭିଡିଓଗ୍ରାଫି ମଧ୍ୟ କରାଯିବ ବୋଲି ନିଷ୍ପତ୍ତି ହୋଇଛି। ବିଏମସି ନନ୍ଭେଜ୍ ଅଳିଆ ସଂଗ୍ରହ ଏବଂ ବିକ୍ରେତାମାନଙ୍କୁ ଡଷ୍ଟବିନ ବ୍ୟବହାର କରିବାକୁ ଗୁରୁତ୍ଵ ଦେଇଛି।
ଏଠରେ ଦୋକାନ ଗୃହ ମାସିକ ଭଡ଼ା ଭିତ୍ତିରେ ଦିଆଯାଇଅଛି , କିନ୍ତୁ ଦେଖାଯାଇଛି ଯେ, ଅନେକ ଦୋକାନୀ ବନ୍ଦ କରିଦେଇଛନ୍ତି ଏବଂ ଆଉ କେତେକ ଅନ୍ୟକୁ ଭଡାରେ ଦେଇଥିବା ସନ୍ଦେହ କରାଯାଉଛି। ଏହାକୁ ବ୍ୟବସ୍ଥିତ କରିବାକୁ ସୂଚନା ଦିଆଯାଇଛି l