ଭୁବନେଶ୍ୱର: ବରିଷ୍ଠ ପୁଲିସ ଅଧିକାରୀ ଯୋଗେଶ ବାହାଦୁର ଖୁରାନିଆ ଅଗଷ୍ଟ ୧୬ତାରିଖରେ ରାଜ୍ୟ ପୁଲିସ ମହାନିର୍ଦ୍ଦେଶକ ଭାବେ ଦାୟିତ୍ୱ ଗ୍ରହଣ କରିଛନ୍ତି।
୧୯୯୦ ବ୍ୟାଚ୍ ର ଆଇପିଏସ୍ ଶ୍ରୀ ଖୁରାନିଆ ହେଉଛନ୍ତି ରାଜ୍ୟ ପୁଲିସ୍ର ନୂଆ ମୁଖିଆ ।
ଓଡ଼ିଶା ସରକାର ୟୁପିଏସସିର ସୁପାରିସ ପାଇବା ପରେ ତାଙ୍କୁ ଅଗଷ୍ଟ ୧୬ରେ ଡିଜିପି ଭାବେ ନିଯୁକ୍ତି ଦେଇଥିଲେ ବୋଲି ଗୃହ ବିଭାଗ ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି।
ଶ୍ରୀ ଖୁରାନିଆ ୨୦୧୮ରୁ କେନ୍ଦ୍ରୀୟ ଡେପୁଟେସନରେ ଥିଲେ ଏବଂ ରାଜ୍ୟ କ୍ୟାଡରକୁ ପ୍ରତ୍ୟାବର୍ତ୍ତନ କରିବା ପୂର୍ବରୁ ତାଙ୍କୁ ବିଏସଏଫର ସ୍ୱତନ୍ତ୍ର ଡିଜି ଭାବରେ ଅବସ୍ଥାପିତ କରାଯାଇଥିଲା ।
ଶ୍ରୀ ଖୁରାନିଆ ହେଉଛନ୍ତି ଜଣେ ଆଇପିଏସ୍ ଅଫିସର ଯିଏ କି କଠିନ ପରିଶ୍ରମ କରିବାକୁ ଏବଂ ସଚ୍ଚୋଟ ଭାବରେ କାମ କରିବାର ଇଚ୍ଛା ରଖିଛନ୍ତି ।
ରାଜ୍ୟ ଓ କେନ୍ଦ୍ରରେ ବିଭିନ୍ନ ପଦପଦବୀରେ ସେ ନିଷ୍ଠାର ସହ ନିଜର କର୍ତ୍ତବ୍ୟ ନିର୍ବାହ କରିଆସୁଛନ୍ତି।
ଶ୍ରୀ ଖୁରାନିଆଙ୍କୁ ରାଜ୍ୟ ପୁଲିସ ମୁଖ୍ୟାଳୟରେ ବରିଷ୍ଠ ପୁଲିସ ଅଧିକାରୀମାନେ ସ୍ୱାଗତ କରିଥିଲେ।
ସେ ଅନ୍ତରୀଣ ଡିଜିପି ଅରୁଣ କୁମାର ଷଡ଼ଙ୍ଗୀଙ୍କ ସ୍ଥାନ ନେଇଛନ୍ତି। ଶ୍ରୀ ଷଡ଼ଙ୍ଗୀ ୧୯୯୦ ବ୍ୟାଚର ଜଣେ ଆଇପିଏସ୍ ଅଧିକାରୀ।