ଭୁବନେଶ୍ୱର : ଭାରତର ରାଷ୍ଟ୍ରପତି ତଥା ଓଡିଆ ଝିଅ ଦ୍ରୌପଦୀ ମୁର୍ମୁ ଫେବୃଆରୀ ୧୦ ରେ ଦୁଇ ଦିନିଆ ଗସ୍ତରେ ଆସି ଏଠାରେ ପହଞ୍ଚିବେ ।
ଶ୍ରୀମତି ମୁର୍ମୁ ତାଙ୍କ ଗସ୍ତ ସମୟରେ ଭୁବନେଶ୍ୱରରେ ରମା ଦେବୀ ମହିଳା ବିଶ୍ୱବିଦ୍ୟାଳୟର ସମାବର୍ତ୍ତନ ଉତ୍ସବ ତଥା ଅନ୍ୟାନ୍ୟ କାର୍ଯ୍ୟକ୍ରମରେ ଯୋଗଦେବାର କାର୍ଯ୍ୟକ୍ରମ ରହିଛି ।
ରାଷ୍ଟ୍ରପତି ହିଁ ସମାରୋହରେ ଯୋଗଦେବାକୁ ଆଗ୍ରହ ପ୍ରକାଶ କରିଥିଲେ ଏବଂ ବିଶ୍ୱବିଦ୍ୟାଳୟର କୁଳାଧିପତି ତଥା ରାଜ୍ୟପାଳ ଗଣେଶୀ ଲାଲଙ୍କୁ ଚିଠି ଲେଖି ସେ ଏଥିପାଇଁ ଇଚ୍ଛା ପ୍ରକାଶ କରିଥିଲେ ବୋଲି ସୂତ୍ରରୁ ପ୍ରକାଶ ।
ଭାରତର ସର୍ବୋଚ୍ଚ ପଦବୀର ଦାୟିତ୍ୱ ଗ୍ରହଣ କରିବା ପରେ ଶ୍ରୀମତି ମୁର୍ମୁଙ୍କ ଓଡିଶାକୁ ଏହା ହେଉଛି ଦ୍ୱିତୀୟ ଗସ୍ତ ।
ରାଷ୍ଟ୍ରପତି ତାଙ୍କର ଶେଷ ଗସ୍ତରେ ଭୁବନେଶ୍ୱରର ତପୋବନ ଉଚ୍ଚ ବିଦ୍ୟାଳୟ, ୟୁନିଟ୍-୨ ସରକାରୀ ବାଳିକା ଉଚ୍ଚ ବିଦ୍ୟାଳୟ ଏବଂ କୁନ୍ତଳା କୁମାରୀ ସାବତ ଆଦିବାସୀ ବାଳିକା ହଷ୍ଟେଲ ୟୁନିଟ୍-୨ ପରିଦର୍ଶନ କରିଥିଲେ ।
ରାଷ୍ଟ୍ରପତି ଛାତ୍ର ଓ ଶିକ୍ଷକମାନଙ୍କ ସହ ଆଲୋଚନା କରିଥିଲେ । ସେ ୟୁନିଟ୍-୨ ସରକାରୀ ବାଳିକା ଉଚ୍ଚ ବିଦ୍ୟାଳୟରେ ଅଧ୍ୟୟନ କରିଥିଲେ ଏବଂ କୁନ୍ତଳା କୁମାରୀ ସାବତ ଆଦିବାସୀ ବାଳିକା ହଷ୍ଟେଲରେ ରହୁଥିଲେ ।