ନୂଆଦିଲ୍ଲୀ : ସରକାରୀ ଘରୋଇ ଭାଗୀଦାରୀ (ପିପିପି)ରେ ପର୍ଯ୍ୟଟନ କ୍ଷେତ୍ରର ବିକାଶ ନିମନ୍ତେ ନିର୍ଦ୍ଧାରିତ ହୋଇଥିବା ୬୫ଟି ଲାଇଟ୍ ହାଉସ୍ ମଧ୍ୟରୁ ଓଡିଶାର ପାଂଚଟି ଲାଇଟ୍ ହାଉସ୍କୁ ଚିହ୍ନଟ କରାଯାଇଛି ।
ସେଗୁଡିକ ହେଉଛି , ଗୋପାଳପୁର ଲାଇଟ୍ ହାଉସ୍, ପୁରୀ ଲାଇଟ୍ ହାଉସ୍, ଚନ୍ଦ୍ରଭାଗା ଲାଇଟ୍ ହାଉସ୍, ପାରାଦୀପ ଲାଇଟ୍ ହାଉସ୍ ଏବଂ ଫଲ୍ସ ପଏଂଟ ଲାଇଟ୍ ହାଉସ୍ । ଅନ୍ୟ ପକ୍ଷରେ ଏହି ପ୍ରକଳ୍ପରେ ଗୁଜରାଟର ୧୩ଟି, ତାମିଲନାଡୁର ୧୧ଟି, କେରଳର ୧୦ଟି, ଆନ୍ଧ୍ର ପ୍ରଦେଶର ୯ଟି, ମହାରାଷ୍ଟ୍ରର ୫ଟି, କର୍ଣ୍ଣାଟକର ୫ଟି, ପଶ୍ଚିମବଙ୍ଗ ୩ଟି , ଆଣ୍ଡାମାନ ନିକୋବର ଦ୍ୱୀପପୁଞ୍ଜର ୨ଟି ଲାଇଟ୍ ହାଉସ୍ ନିର୍ଦ୍ଧାରିତ ହୋଇଥିବା ବେଳେ ଲାକ୍ଷାଦ୍ୱୀପ ଏବଂ ଗୋଆରେ ଗୋଟିଏ ଲେଖାଏଁ ଲାଇଟ୍ ହାଉସ୍କୁ ଚିହ୍ନଟ କରା ଯାଇଛି । ଡଲଫିନ୍ ନୋଜ୍ ଲାଇଟ୍ ହାଉସ୍କୁ ସୁରକ୍ଷା ଦୃଷ୍ଟିକୋଣରୁ ଏଥିରୁ ବାଦ୍ ଦିଆଯାଇଛି ।
ସରକାରୀ ଘରୋଇ ଭାଗୀଦାରୀ (ପିପିପି)ରେ ପର୍ଯ୍ୟଟନର ବିକାଶ ନିମନ୍ତେ ନିର୍ଦ୍ଧାରିତ ୬୫ଟି ଲାଇଟ୍ ହାଉସ୍ (ବତୀ ଘର)ର ରାଜ୍ୟ ସ୍ତରୀୟ ସୂଚୀ ସଂଲଗ୍ନ ହୋଇଛି ଏବଂ ରାଜ୍ୟ ସ୍ତରୀୟ ସାରାଂଶ ନିମ୍ନରେ ସୂଚୀବଦ୍ଧ ହୋଇଛି :
କେରଳ ରାଜ୍ୟରେ ସରକାରୀ ଘରୋଇ ଭାଗୀଦାରୀ (ପିପିପି)ରେ ପର୍ଯ୍ୟଟନ କ୍ଷେତ୍ରର ବିକାଶ ନିମନ୍ତେ ନିର୍ଦ୍ଧାରିତ ୧୦ଟି ଲାଇଟ୍ ହାଉସ୍ର କୋଷ୍ଟାଲ୍ ରେଗୁଲେସନ୍ ଜୋନ୍ (ସିଆର୍ଜେଡ୍)ର ମ୍ୟାପିଂ କାର୍ଯ୍ୟ ସମାପ୍ତ ହୋଇଛି । ଏହି ୧୦ ଟି ଲାଇଟ୍ ହାଉସ୍ ମଧ୍ୟରୁ କୁନ୍ନୁର ଲାଇଟ୍ ହାଉସ୍ ସମେତ ଛଅଟି ଲାଇଟ୍ ହାଉସ୍ ପାଇଁ ସିଆର୍ଜେଡ୍ର ମଞ୍ଜୁରୀ ଆରମ୍ଭ କରା ଯାଇଛି ।
ଅବଶିଷ୍ଟ ଚାରିଟି ଲାଇଟ ହାଉସ୍ “ନୋ ଡେଭଲପମେଂଟ ଜୋନ୍” (ଏନ୍ଡିଜେଡ୍) ଅଧୀନରେ ଆସିଥାଏ, ଯାହା ସ୍ଥାୟୀ ସଂରଚନା ନିର୍ମାଣକୁ ଅନୁମତି ଦିଏ ନାହିଁ । ସିଆର୍ଜେଡ୍ ମଞ୍ଜୁରୀ ପ୍ରାପ୍ତ କରିବା ପାଇଁ ଏବଂ ସହାରାଂଚଳ ଏବଂ ଗ୍ରାମାଂଚଳ ଯୋଜନା ବିଭାଗର ଅନୁମୋଦନ ପାଇବା ଦିନ ଠାରୁ ଏହି ପ୍ରକଳ୍ପ ଗୁଡିକୁ ଦୁଇ ବର୍ଷ ମଧ୍ୟରେ ଶେଷ କରିବା ପାଇଁ ନିର୍ଦ୍ଧାରିତ ରହିଛି ।
୧୧ ଜଣ ଘରୋଇ ହିତାଧିକାରୀ କେରଳ ଠାରେ ଲାଇଟ୍ ହାଉସ୍ ପର୍ଯ୍ୟଟନ ପ୍ରକଳ୍ପ ଗୁଡିକୁ ଆରମ୍ଭ କରିବା ନିମନ୍ତେ ନିଜର ବ୍ୟକ୍ତିଗତ ଆଗ୍ରହ ପ୍ରକାଶ କରିଛନ୍ତି । ବିବରଣୀ ନିମ୍ନ ପ୍ରକାରର ଅଟେ ।