ଭୁବନେଶ୍ୱର : ରାଜ୍ୟରେ ବର୍ଷକୁ ହାରାହାରି ୧୪ଲକ୍ଷ ମେଟ୍ରିକ ଟନ୍ ଆଳୁ ଆବଶ୍ୟକ ରହିଥିବାବେଳେ ୨୦୨୪-୨୫ ବର୍ଷରେ ୫ଲକ୍ଷ ମେଟ୍ରିକ ଟନରୁ କମ୍ ଆଳୁ ଉତ୍ପାଦିତ ହୋଇଛି । ବିଜେଡି ବିଧାୟକ ଗଣେଶ୍ୱର ବେହେରାଙ୍କ ଏକ ପ୍ରଶ୍ନର ଉତ୍ତରରେ ଏହି ସୂଚନା ଦେଇଛନ୍ତି କୃଷି ଓ କୃଷକ ସଶକ୍ତିକରଣ ମନ୍ତ୍ରୀ କନକ ବର୍ଦ୍ଧନ ସିଂହଦେଓ ।
ମନ୍ତ୍ରୀ ତାଙ୍କ ଉତ୍ତରରେ ରକହିଛନ୍ତି ଯେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗର ତଥ୍ୟ ଅନୁଯାୟୀ ରାଜ୍ୟରେ ବର୍ଷକୁ ହାରାହାରି ୩.୭୫ଲକ୍ଷ ମେଟ୍ରିକ ଟନ୍ ପିଆଜର ଆବଶ୍ୟକତା ଥିବାବଳେ ୨୦୨୪-୨୫ ବର୍ଷରେ ୪.୪୮ଲକ୍ଷ ମେଟ୍ରିକ ଟନ୍ ପିଆଜ ଉତ୍ପାଦନ ହେବାର ସମ୍ଭାବନା ରହିଛି । ଆଳୁ ଓ ପିଆଜ ଚାଷକୁ ପ୍ରୋତ୍ସାହିତ କରିବାପାଇଁ ଉଦ୍ୟାନକୃଷି ନିର୍ଦ୍ଦେଶାଳୟ ଦ୍ୱାରା ରାଜ୍ୟ ଯୋଜନା ଅର୍ନ୍ତଗତ ଆଳୁ, ପନିପିରିବା ଓ ମସଲା ଚାଷକୁ ପ୍ରୋତ୍ସାହନ ଯୋଜନା ମାଧ୍ୟମରେ ଚାଷୀମାନଙ୍କୁ ଉନ୍ନତମାନର ବିହନ ଓ ଆର୍ଥିକ ସହାୟତା ଯୋଗାଇ ଦିଆଯାଉଛି । (ତଥ୍ୟ)