ସମ୍ବଲପୁର: ସମ୍ବଲପୁରରେ ବିଦ୍ୟୁତ୍ ଆଘାତରେ ୩ଟି ହାତୀ ମୃତ୍ୟୁ ଘଟଣାରେ କ୍ଷୋଭ ପ୍ରକାଶ କରି ରାଜ୍ୟ ସରକାର ୩ ଜଣ କ୍ଷେତ୍ରସ୍ତରୀୟ ଅଧିକାରୀଙ୍କୁ ନିଲମ୍ବିତ କରିବା ସହ ବିଭାଗର ଦୁଇ ବରିଷ୍ଠ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସରକାରଙ୍କୁ ସୁପାରିସ କରିଛନ୍ତି।
ସମ୍ବଲପୁର ନକଟିଦେଉଳ ବନାଞ୍ଚଳ ଅନ୍ତର୍ଗତ ବୁରାମାଳ ନିକଟ ଜଙ୍ଗଲରେ ବିଦ୍ୟୁତ୍ ଆଘାତରେ ଗୋଟିଏ ବାଛୁରୀ ସମେତ ୩ଟି ଜଙ୍ଗଲୀ ହାତୀର ମୃତ୍ୟୁ ଘଟିଛି।
ଜଙ୍ଗଲୀ ହାତୀଙ୍କ ମୃତ୍ୟୁକୁ ନେଇ ମୁଖ୍ୟମନ୍ତ୍ରୀ ମୋହନ ମାଝୀ ଉଦବେଗ ପ୍ରକାଶ କରିବା ପରେ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ଘଟଣାର ତଦନ୍ତକୁ ଜୋରଦାର କରିଛି।
ଏହି ଘଟଣାରେ ସମ୍ପୃକ୍ତ ୪ ଅଭିଯୁକ୍ତଙ୍କ ମଧ୍ୟରୁ ୩ ଜଣଙ୍କୁ ଗିରଫ କରାଯାଇଥିବା ବେଳେ ଅନ୍ୟ ଜଣେ ଫେରାର ଅଛନ୍ତି। ପୁଲିସ ସହାୟତାରେ ଚତୁର୍ଥ ଅଭିଯୁକ୍ତକୁ ଧରିବା ପାଇଁ ବନ ବିଭାଗ ଉଦ୍ୟମ ଚଳାଇଛି।
ରାଇରାଖୋଲ ଡିଭିଜନର ଡିଏଫଓ ଅରବିନ୍ଦ ମହାନ୍ତି କହିଛନ୍ତି, ରବିବାର ରାତିରେ ଘଟିଥିବା ଏହି ଘଟଣାରେ ୨ଟି ମାଈ ହାତୀ ଓ ଗୋଟିଏ ବାଛୁରୀର ମୃତ୍ୟୁ ଘଟିଛି।
ପ୍ରାଥମିକ ଦୃଷ୍ଟିରୁ ଜଣାପଡ଼ୁଛି ଯେ ହାତୀମାନେ ଫସଲ ରକ୍ଷଣାବେକ୍ଷଣ ପାଇଁ ବଣୁଆ ଘୁଷୁରୀମାନଙ୍କୁ ମାରିବା ପାଇଁ ଶିକାରୀମାନେ ବିଛାଇଥିବା ବିଦ୍ୟୁତ ଲାଇନ୍ ସଂସ୍ପର୍ଶରେ ଆସିଥିଲେ।
ଏହା ପୂର୍ବରୁ ପ୍ରଧାନ ମୁଖ୍ୟ ବନ ସଂରକ୍ଷକ (ପିସିସିଏଫ୍) ବନ୍ୟପ୍ରାଣୀ ସୁଶାନ୍ତ ନନ୍ଦ ଏହି ଘଟଣାକୁ ଦୁର୍ଭାଗ୍ୟଜନକ ବୋଲି କହିବା ସହ ପାଟ୍ରୋଲିଂ ଟିମ୍ ଓ କ୍ଷେତ୍ର ଅଧିକାରୀଙ୍କ ଅବହେଳା ହୋଇଥିବା କହିଥିଲେ।
ଆର୍ଥ ଲିକେଜ୍ ସର୍କିଟ୍ ବ୍ରେକର ଲଗାଇବା ପାଇଁ ସୁପାରିଶ କରାଯାଇଥିବା ସୁରକ୍ଷା ପଦ୍ଧତି ଉପରେ ନିଆଯାଇଥିବା ପଦକ୍ଷେପ ପାଇଁ ଡିସ୍କମ୍ ସମକକ୍ଷମାନଙ୍କୁ ଚିଠି ଲେଖିବାକୁ ମୁଖ୍ୟ ବନ୍ୟପ୍ରାଣୀ ୱାର୍ଡେନଙ୍କ କାର୍ଯ୍ୟାଳୟ ପକ୍ଷରୁ ସମସ୍ତ ଆଞ୍ଚଳିକ ମୁଖ୍ୟ ବନ ସଂରକ୍ଷକ (ଆରସିସିଏଫ)ଙ୍କୁ କୁହାଯାଇଛି।
ମୁଖ୍ୟ ବନ ସଂରକ୍ଷକ (ବନ୍ୟପ୍ରାଣୀ) ଙ୍କ ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି ଯେ, ଯଦି ହାତୀ ଚଳାଚଳ କ୍ଷେତ୍ରରେ ଏସବୁ ଲଗାଯାଇ ନାହିଁ, ତେବେ ତୁରନ୍ତ ସେହି ଅଞ୍ଚଳରେ ବିଦ୍ୟୁତ୍ ବିଚ୍ଛିନ୍ନ କରାଯାଉ ନଚେତ ବନ୍ୟଜନ୍ତୁଙ୍କ ବିଦ୍ୟୁତ୍ ଆଘାତରେ ମୃତ୍ୟୁ ଘଟିଲେ ବିଦ୍ୟୁତ ବିତରଣ କମ୍ପାନୀ ଦାୟୀ ରହିବ।