ଭୁବନେଶ୍ୱର : ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ସେଣ୍ଟର ଫର ବାୟୋଟେକ୍ନୋଲଜିର ଗବେଷକ ଡାକ୍ତର ସୁଦୀପ୍ତା ଜେନା ନିକଟରେ ହଙ୍ଗେରୀର ବାଲାଟନାଲମାଡି ଠାରେ ‘ଇସେନସିଆଲ ଅଏଲ’କୁ ନେଇ ଅନୁଷ୍ଠିତ ୫୪ତମ ଆନ୍ତର୍ଜାତିକ ସମ୍ମିଳନୀରେ ଯୋଗ ଦେଇ ଫେରିଆସିଛନ୍ତି ।
ପୃଥିବୀର ବିଭିନ୍ନ ଦେଶର ପ୍ରତିଷ୍ଠିତ ଗବେଷକମାନେ ଏହି ସମ୍ମିଳନୀରେ ଯୋଗ ଦେଇ ଏହି କ୍ଷେତ୍ରରେ ଘଟିଥିବା ସଦ୍ୟତମ ଗବେଷଣା ପ୍ରସୂତ ତଥ୍ୟ ପ୍ରଦାନ କରିଥିଲେ । ସମ୍ମିଳନୀରେ ଡାକ୍ତର ଜେନା ମଧ୍ୟ ତାଙ୍କର ନିଜସ୍ୱ ପ୍ରବନ୍ଧ ପାଠ କରିଥିଲେ ।
ଡାକ୍ତର ଜେନା ସେଂଟର ଫର୍ ବାୟୋଟେନୋଲଜିରେ ପ୍ରାକୃତିକ ଦ୍ରବ୍ୟ ଉପରେ ଗବେଷଣା କରୁଛନ୍ତି । ସେ ସେଂଟର ଫର ବାୟୋଟେକନୋଲଜିର ମୁଖ୍ୟ ପ୍ରଫେସର ସଂଘମିତ୍ରା ନାୟକଙ୍କ ଅଧିନରେ ବାୟୋଟେକନୋଲଜିରେ ପି.ଏଚ୍.ଡି. ଉପାଧି ଲାଭ କରିଥିଲେ ।
ହଙ୍ଗେରୀରେ ଅନୁଷ୍ଠିତ ସମ୍ମିଳନୀରେ ଯୋଗଦେବା ଫଳରେ ତାଙ୍କୁ ପୃଥିବୀର ଅନ୍ୟ ପ୍ର୍ରମୁଖ ଗବେଷକ ମାନଙ୍କ ଠାରୁ ଜ୍ଞାନ ଆହରଣ କରିବାର ସୁଯୋଗ ମିଳିବା ସହିତ ମତ ବିନିମୟ କରିବାର ସୁଯୋଗ ମିଳିଥିଲା ।