ଭୁବନେଶ୍ୱର : ଶିକ୍ଷା ଓ ଅନୁସନ୍ଧାନ (ସୋଆ) ଡିମ୍ଡ ଟୁ ବି ବିଶ୍ୱବିଦ୍ୟାଳୟ ଆଫ୍ରିକାର କ୍ୟାମେରୁନ୍ ସ୍ଥିତ ହାନ୍ସିଆଟିକ୍ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ଆଣ୍ଡ ଆପ୍ଲାଏଡ୍ ସାଇନ୍ସେସ୍ (ହିଟାସ୍) ସହିତ ଏକ କାର୍ଯ୍ୟକାରୀ ବୁଝାମଣା ସ୍ୱାକ୍ଷରିତ ହୋଇଛି ।
ଡୁଆଲା ଠାରେ ସୋଆର ୟୁନିଭର୍ସିିଟି ଆଉଟ୍ରିଚ୍ ପ୍ରୋଗ୍ରାମର ନିର୍ଦ୍ଦେଶକ ପ୍ରଫେସର ନଚିକେତା କେ. ଶର୍ମା ଓ ହିଟାସ୍ର କାର୍ଯ୍ୟକାରୀ ଅଧ୍ୟକ୍ଷ ପ୍ରଫେସର (ଡକ୍ଟର) ମରିସ୍ କେ. କାମ୍ଗା ବୁଝାମଣା ପତ୍ରରେ ଦସ୍ତଖତ କରିଥିଲେ । ଏ ସମ୍ବନ୍ଧରେ ଗତ ଫେବୃଆରୀ ମାସରେ ଦୁଇ ଶିକ୍ଷାନୁଷ୍ଠାନ ମଧ୍ୟରେ ଏକ ବୁଝାମଣା ପତ୍ର (ଏମ୍ଓୟୁ) ସ୍ୱାକ୍ଷରିତ ହୋଇଥିଲା ।
ବୁଝାମଣା ଅନୁଯାୟୀ ଆସନ୍ତା ୨୦୨୪-୨୫ ଶିକ୍ଷା ବର୍ଷରେ ୟୁନିଭର୍ସିଟି ଗ୍ରାଂଟସ କମିଶନ (ୟୁଜିସି)ର ନିୟମାବଳୀ ଅନୁଯାୟୀ ସୋଆ ହିଟାସ୍ର ଛାତ୍ରଛାତ୍ରୀମାନଙ୍କୁ ବ୍ୟାଚ୍ଲର୍ ଅଫ୍ ବିଜିନେସ୍ ଆଡମିନିଷ୍ଟ୍ରେସନ୍ (ବିବିଏ), ମାଷ୍ଟର ଇନ୍ ବିଜିନେସ୍ ଆଡମିନିଷ୍ଟ୍ରେସନ୍ (ଏମ୍ବିଏ), ବ୍ୟାଚ୍ଲର ଅଫ୍ କମ୍ପ୍ୟୁଟର୍ ଆପ୍ଲିକେସନ୍ (ବିସିଏ) ଓ ମାଷ୍ଟର ଇନ୍ କମ୍ପ୍ୟୁଟର ଆପ୍ଲିକେସନ୍ (ଏମ୍ସିଏ) ପାଠ୍ୟକ୍ରମ ଅନ୍ଲାଇନ୍ ଯୋଗେ ପ୍ରଦାନ କରିବ ।
ଉଭୟ ଶିକ୍ଷାନୁଷ୍ଠାନ ଛାତ୍ରଛାତ୍ରୀମାନଙ୍କୁ ଅନ୍ଲାଇନ୍ କାର୍ଯ୍ୟକ୍ରମ ନିମନ୍ତେ ଅତ୍ୟାଧୁନିକ ଡିଜିଟାଲ୍ ସୁବିଧା ପ୍ରଦାନ କରିବା ସହ ସୋଆ ଲାବୋରେଟୋରି ସୁବିଧା ତଥା ୨୦୨୪-୨୫ ଶିକ୍ଷାବର୍ଷରେ ମେକାନିକାଲ୍ ଇଞ୍ଜିନିୟରିଂ ଓ କମ୍ପ୍ୟୁଟର ସାଇନ୍ସ ଇଞ୍ଜିନିୟରିଂ ଆଣ୍ଡ ଇନ୍ଫର୍ମେସନ୍ ଟେକ୍ନୋଲୋଜି କୋର୍ସ ପାଇଁ ସମସ୍ତ ସୁବିଧା ସୁଯୋଗ ପ୍ରଦାନ କରିବେ ।
ସେହିପରି ହିଟାସର ଛାତ୍ରଛାତ୍ରୀ କ୍ୟାମେରୁନ୍ରୁ ବିଏସ୍ସି ନର୍ସିଂ ଏବଂ ବିଟେକ୍ ପାଠ୍ୟକ୍ରମ ନିମନ୍ତେ ଯୋଗ୍ୟତା ଅନୁଯାୟୀ ସୋଆରେ ନାମ ଲେଖାଇ ପାରିବେ ବୋଲି ବୁଝାମଣା ହୋଇଛି ।