ଭୂବନେଶ୍ୱର : ଫଟୋ ସାମ୍ବାଦିକ ଅଶୋକ ପଣ୍ଡାଙ୍କର ଦକ୍ଷତା କାର୍ଯ୍ୟ କରିବାର ଶୈଳୀ ଓ ତାଙ୍କର ଭାଇଚାରା ସାମ୍ବାଦିକ ମାନଙ୍କ ପାଇଁ ଅନୁକରଣନୀୟ ହୋଇ ରହିବ ବୋଲି ବିଶିଷ୍ଟ ବ୍ୟକ୍ତି ମାନେ କହିଛନ୍ତି । ସ୍ୱର୍ଗତ ପଣ୍ଡାଙ୍କର ଏକାଦଶାହ ଅବସରରେ ସମୟ ପକ୍ଷରୁ ଆୟୋଜିତ ଶ୍ରଦ୍ଧାଞ୍ଜଳୀ ସଭାରେ ଯୋଗ ଦେଇ ବିଶିଷ୍ଟ ବ୍ୟକ୍ତିମାନେ ଏହା ପ୍ରକାଶ କରିଛନ୍ତି ।
ଏ ଅବସରରେ ଅଶୋକଙ୍କ ସ୍ମୃତିଚାରଣ କରି ସମୟ ପରିଚାଳନା ସମିତିର ଅଧ୍ୟକ୍ଷ ଚିରଞ୍ଜିବ ବିଶ୍ୱାଳ ଅଶୋକଙ୍କୁ ଜଣେ ଦକ୍ଷ, ଦୃଢମନା ଓ ନିଷ୍ଠାପର ଫଟୋ ସାମ୍ବାଦିକ ଭାବେ ଅଭିହିତ କରି ତାଙ୍କ ଦ୍ୱାରା ଆୟୋଜିତ ୧୯୯୯ମହାବାତ୍ୟା ସଂପର୍କିତ ଫଟୋ ପ୍ରଦର୍ଶନୀ ତାଙ୍କ ଦକ୍ଷତାର ପ୍ରମାଣ ଦିଏ ବୋଲି କହିଥିଲେ । ତାଙ୍କ ଅବର୍ତ୍ତର୍ନମାନରେ ସମୟ ତାଙ୍କ ପରିବାର ପଛରେ ଠିଆ ହେବ ଓ ସମସ୍ତ ସହାୟତା ଯୋଗାଇ ଦିଆଯିବ ବୋଲି ଘୋଷଣା କରିଥିଲେ ।
ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ସ୍ମୃତି ଚାରଣ କରି ସ୍ୱର୍ଗତ ଅଶୋକଙ୍କ ସହିତ କଟିଥିବା କେତେକ ଅଭୁଲା ସ୍ମୃତିକୁ ରୋମନ‘ନ କରିଥିଲେ । ତାଙ୍କ ପରିବାର ପାଇଁ ଯାହା ସରକାରୀ ସହାୟତାର ବ୍ୟବସ୍ଥା ରହିଛି ତାହା ନିଶ୍ଚିତ କରାଯିବ ବୋଲି କହିଥିଲେ । ମେୟର ସୁଲୋଚନା ଦାସ ବକ୍ତବ୍ୟ ରଖି ସାମ୍ବାଦିକତା ପେଶାରେ ଅଶୋକ ପଣ୍ଡାଙ୍କର ଯେଉଁ ସମର୍ପିତ ଭାବ ଥିଲା ତାହା ଅନନ୍ୟ ବୋଲି କହିବ । ସହିତ ରାଜ୍ୟରେ ଘଟୁଥିବା ସଡକ ଦୁର୍ଘଟଣା ନେଇ କ୍ଷୋଭ ପ୍ରକାଶ କରିଥିଲେ ।
ସରକାରୀ ସ୍ତରରେ ଥିବା ବ୍ୟବସ୍ଥା ତାଙ୍କ ପାଇଁ କରାଯିବ ବୋଲି କହିଥିଲେ । ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା ଅଶୋକ ପଣ୍ଡାଙ୍କ ସହିତ ଥିବା ତାଙ୍କର ପୁରାତନ ସଂପର୍କକୁ ବର୍ଣ୍ଣନା କରିଥିଲେ । ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ ରାଉତ ଯୋଗଦେଇ ସାମ୍ବଦିକତା ପେଶା ପ୍ରତି ଅଶୋକ ପଣ୍ଡାଙ୍କର ସମର୍ପଣ ଭାବ ସଂପର୍କରେ କହିବା ସହିତ ତାଙ୍କର ଫଟୋସାମ୍ବାଦିକତା ନିଆରା ବୋଲି କହିଥିଲେ ।
ବିଧାୟକ ସୁରେଶ କୁମାର ରାଉତରାୟ ଅଶୋକଙ୍କ ସହାୟତ ପାଇଁ ଏକ ପାଣ୍ଠି ଗଠନ କରିବା ପାଇଁ ପ୍ରସ୍ତାବ ଦେଇଥିଲେ ଓ ନିଜେ କିଛି ଆର୍ଥିକ ସହାୟତା ଘୋଷଣା କରିଥିଲୋ ରାଜ୍ୟର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ନିରଞ୍ଜନ ପଟ୍ଟନାୟକ ମଧ୍ୟ ଅଶୋକଙ୍କ ପରିବାର ପ୍ରତି ମିଳିତ ଭାବେ କିଛି କରିବା ପାଇଁପରାମର୍ଶ ଦେଇଥିଲେ ।
ପୂର୍ବତନ ଅର୍ଥ ମନ୍ତ୍ରୀ ପଞ୍ଚାନନ କାନୁନଗୋ, ଅଶୋକ ପଣ୍ଡାଙ୍କର କାର୍ଯ୍ୟ ଶୈଳୀ ନିଆରା ଓ ସୂଦୁର ପ୍ରସାର ଥିଲା ବୋଲି ମତ ଦେଇଥିଲୋ ବିଜେପି ସଭାପତି ସମୀର ମହାନ୍ତି , ବିଧାୟକ ମହମ୍ମଦ ମୋକିମ, ପୂର୍ବତନ ବିଧାୟକ ପ୍ରଭାତ ବିଶ୍ୱାଳ ,କଂଗ୍ରେସ ନେତ୍ରୀ ରଶ୍ମି ମହାପାତ୍ର, ବିଧାୟକ ଅମର ଶତପଥୀ ,ପୂର୍ବତନ ବିଧାୟକ ପ୍ରଭାତ ତ୍ରୀପାଠି, କଳିଙ୍ଗସେନାର ମୁଖ୍ୟ ହେମନ୍ତ ରଥ, ସିପିଆଇ ଦେତା ସୁରଜେନା, ସିପିଆଇଏମର ସୁରେଶ ପାଣିଗ୍ରାହୀ, ଏନସିପି ରାଜ୍ୟ ସଭାପତି ବିକ୍ରମ ସ୍ୱାଇଁ ପ୍ରମୁଖ ସ୍ୱର୍ଗତ ପଣ୍ଡାଙ୍କର ନିଆରା ବ୍ୟକ୍ତିତ୍ୱ ଅନ୍ୟମାନଙ୍କ ପାଇଁ ଆକର୍ଷଣ ବୋଲି କହିଥିଲେ ।
ଉତ୍କଳ ପ୍ରସଙ୍ଗର ମୁଖ୍ୟ ସଂପାଦକ ଲେଲିନ୍ ମହାନ୍ତି ଅଶୋକ ପଣ୍ଡାଙ୍କ ସହିତ ତାଙ୍କର କେତେକ ତାଜା ସ୍ମୃତିକୁ ସ୍ମରଣ କରିଥିଲୋ କଂଗ୍ରେସ ନେତା ଆର୍ଯ୍ୟ ଜ୍ଞାନେନ୍ଦ୍ର ଅଶୋକଙ୍କ ଛୋଟ ଝିଅର ମାଗଣା ଶିକ୍ଷାଦାନ ଦିଗରେ ବ୍ୟବସ୍ଥା କରିବାକୁ ଘୋଷଣା କରିଥିଲେ । ଉତ୍କଳ ସାମ୍ବାଦିକ ସଂଘ ପକ୍ଷରୁ ସଭାପତି ବିଭୂତି ଭୁଷଣ କର ଓ ସାମ୍ବାଦିକ ମାନଙ୍କର ଅନୁଷ୍ଠାନ ଡଟ୍-କମ ପକ୍ଷରୁ ସଂଜୀବ ଦାସ ଗଭୀର ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ ।
ଅଶୋକଙ୍କ ପ୍ରତି ବରିଷ୍ଠ ସାମ୍ବାଦିକ ତଥା ଓଡିଶା ଭାସ୍କରର ସଂପାଦକ ପ୍ରଦୋଷ ପଟ୍ଟନାୟକ ,ପ୍ରଗତିବାଦୀର ସଂପାଦକ ବିରୁପାକ୍ଷ ତ୍ରୀପାଠି,ବରିଷ୍ଠ ସାମ୍ବାଦିକ ଭବାନୀ ତ୍ରୀପାଠି, ସଂଜୀବ ମୁଖାର୍ଜୀ, ମାଧବାନନ୍ଦ ବେଉରା ,ରମେଶ ମହାନ୍ତି, ଓଡ଼ିଶା ସାମ୍ବାଦିକ ୟୁନିୟନ୍ର ସାଧାରଣ ସଂପାଦକ ପ୍ରସନ୍ନ ମହାନ୍ତି, ବିବେକା ନନ୍ଦ ଜେନା, ସନ୍ଦୀପ ମିଶ୍ର, ବରିଷ୍ଠ ସାମ୍ବାଦିକ ତଥା କନକ ନ୍ୟୁଜ ଏଡିଟର ମନୋରଞ୍ଜନ ମିଶ୍ର, ବରିଷ୍ଠ ସାମ୍ବାଦିକ ଓ ସ୍ତମ୍ଭକାର ରବି ଦାସ ,ବୈଷ୍ଣବ ଜେନା, ସତ୍ୟ ପ୍ରକାଶ ନାୟକ, ମିନତୀ ସିଂ ପ୍ରମୁଖ ସ୍ୱର୍ଗତ ପଣ୍ଡାଙ୍କର କାର୍ଯ୍ୟଧାରା ତାଙ୍କର ପେଶାଗତ ଦକ୍ଷତା ଓ ନିଜ କାର୍ଯ୍ୟ ଦକ୍ଷତା ବଳରେ ଅନ୍ୟକୁ ଆକର୍ଷିତ କରିବାର କଳା ସଂପର୍କରେ ବର୍ଣ୍ଣନା କରିଥିଲେ ।
ମୃତ୍ୟୁପରେ ନୁହେଁ ବଞ୍ଚିଥିବା ଅବସ୍ଥାରେ ପେଶାକୁ ସମ୍ମାନ ଦେବା, ଭଲ ପାଇବା ଓ ପରସ୍ପର ପ୍ରତିି କିଛି କରିବା ଉଚିତ ବୋଲି ସାମ୍ବାଦିକ ଭବାନୀ ତ୍ରୀପାଠି ମତ ଦେଇଥିଲେ । ଅନ୍ୟ ବିଶିଷ୍ଠ ବ୍ୟକ୍ତିମାନଙ୍କ ମଧ୍ୟରେ ମୟୂରଭଞ୍ଜ ସାଂସ୍କୃତିକ ପରିଷଦର ସଂପାଦକ ଗୋକୁଳ ଦାସ , ସାମ୍ବାଦିକ ତଥା ଚଳଚ୍ଚିତ୍ର ସମୀକ୍ଷକ ସୂର୍ଯ୍ୟଦେଓ , ସମାଜ ସେବୀ ଦେବୀ ପ୍ରସାଦ ପୃଷ୍ଟି , ବିଜେପି ନେତା ଜଗନ୍ନାଥ ପ୍ରଧାନ , ବିଜେପି ଭୁବନେଶ୍ୱର ଜିଲ୍ଲା ସଭାପତି ବାବୁ ସିଂ , ସମାଜ ସେବୀ ବନ୍ଦନା ହରିଚନ୍ଦନ , କିଟ୍ ର ଡାଇରେକ୍ଟର ପିଆର ଶ୍ରଦ୍ଧାଞ୍ଜଳି ନାଏକ ପ୍ରମୁଖ ଅଶୋକଙ୍କ ଆତ୍ମା ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।
ଏହି କାର୍ଯ୍ୟକ୍ରମରେ ସାମ୍ବାଦିକ ହିମାଂଶୁ ସିଂହ ,ଦିପକ ମହାପାତ୍ର , ଜିତେନ୍ଦ୍ର ସାହୁ , ଗଗନ ସ୍ୱାଇଁ, ଲିଙ୍ଗରାଜ ସାହୁ , ପ୍ରତାପ ପ୍ରଧାନ, ଅରବିନ୍ଦ ମିଶ୍ର, ଅଶୋକ ପ୍ରଧାନ, ସଞ୍ଜୟ ଜେନା, ଫଟୋ ସାମ୍ବାଦିକ ଅସିତ କୁମାର ତ୍ରିପାଠୀ, ପ୍ରଭାତ କୁମାର ମହାନ୍ତି, ମନୋରଞ୍ଜନ ମିଶ୍ର, ଧ୍ରୁବ ମିଶ୍ର, ଦୀପକ ମିଶ୍ର, ଦିଲୁ ରାଉତ, ଦିଲୁ ସାହୁ, ବିଶ୍ୱ ରଞ୍ଜନ ମିଶ୍ର, ମୌସମ ନନ୍ଦ, ଲକ୍ଷ୍ମୀକାନ୍ତ ଦାସ ପ୍ରମୁଖ ଉପସ୍ଥିତ ଥିଲେ । ପ୍ରାରମ୍ଭରେ ସମୟର ମ୍ୟାନେଜର ଏଚ୍ ଆର ସତ୍ୟନାରାୟଣ ମହାନ୍ତି ପ୍ରାରମ୍ଭିକ ସୂଚନା ଦେଇଥିଲେ । ବାର୍ତ୍ତା ସଂପାଦକ ପପୁ ମହାନ୍ତି ସଭା ପରିଚାଳନା କରିଥିଲେ । ସାମ୍ବାଦିକ ବେଣୁଧର ପଣ୍ଡା ଧନ୍ୟବାଦ ଅର୍ପଣ କରିଥିଲେ ।