ଭୁବନେଶ୍ୱର : ରାଜ୍ୟରେ ମୋଟ୍ ୨୯୭ଟି ସୁଭଦ୍ରା ଶକ୍ତି କାଫେ ପ୍ରତିଷ୍ଠା ହୋଇଥିବାବେଳେ ବର୍ତ୍ତମାନ ଏଥିରୁ ୨୫୪ଟି କାର୍ଯ୍ୟକ୍ଷମ ରହିଛି ଏବଂ ଏଥିରେ ୨୨୩୯ ଜଣ ଏସଏଚଜି ସଦସ୍ୟା କାର୍ଯ୍ୟ କରୁଛନ୍ତି । ସୁଭଦ୍ରା ଶକ୍ତିକାଫେ ସଂକ୍ରାନ୍ତରେ ବିଜେପି ବିଧାୟକ ଟଙ୍କଧର ତ୍ରିପାଠୀ ପଚାରିଥିବା ପ୍ରଶ୍ନର ଉତ୍ତରରେ ଏହି ସୂଚନା ଦେଇଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ।
ଉପମୁଖ୍ୟମନ୍ତ୍ରୀ ଦର୍ଶାଇଛନ୍ତି ଯେ ରାଜ୍ୟର ବିଭିନ୍ନ ଜିଲ୍ଲାରେ ସୁଭଦ୍ରା ଶକ୍ତି କାଫେ ପ୍ରତିଷ୍ଠା ହୋଇଥିବାବେଳେ ସର୍ବାଧିକ ୧୮ଟି କରି କାଫେ କୋରାପୁଟ ଓ ସୁନ୍ଦରଗଡ ଜିଲ୍ଲାରେ ରହିଛି । ଗଞ୍ଜାମ ଓ ଖୋରଧା ଜିଲ୍ଲାରେ ୧୬ଟି କାଫେ ରହିଥିବାବେଳେ କଳାହାଣ୍ଡିରେ ୧୫ଟି, ସମ୍ବଲପୁର, ମୟୁରଭଞ୍ଜ, କେନ୍ଦୁଝରରେ ୧୪ଟି କରି, ବରଗଡ ଓ କଟକରେ ୧୩ଟି କରି ସୁଭଦ୍ରା ଶକ୍ତି କାଫେ ରହିଛି । ସବୁଠାରୁ କମ୍ ମାତ୍ର ୪ଟି କାଫେ ଦେବଗଡ ଜିଲ୍ଲାରେ ରହିଛି ।
କିଛି କାଫେ ପରିଚାଳନା କରୁଥିବା ଗୋଷ୍ଠି ଓ ମହାସଂଘ କାଫେର ବିଭିନ୍ନ କାମ ପାଇଁ ଅତିରିକ୍ତ ବ୍ୟକ୍ତି ନିଯୁକ୍ତ କରୁଛନ୍ତି ଓ ସେମାନଙ୍କୁ ହାରାହାରି ମାସିକ ୮ ରୁ ୧୦ ଟଙ୍କା ପ୍ରଦାନ କରୁଛନ୍ତି ।