ରାଜ୍ୟପାଳ ଗଣେଶ ଲାଲ ଏବଂ ପ୍ରଥମ ମହିଳା କୋଭିଡ-୧୯ ପଜିଟିଭ ବୋଲି ରାଜ ଭବନ ପକ୍ଷରୁ ସୋମବାର କୁହାଯାଇଛି ।
ରାଜ ଭବନ ସଚିବାଳୟ ଟ୍ୱିଟରକୁ ଯାଇ କହିଛନ୍ତି ଯେ ମାନ୍ୟବର ରାଜ୍ୟପାଳ ଏବଂ ପ୍ରଥମ ଲେଡି କରୋନା ପଜିଟିଭ ଚିହ୍ନଟ ହୋଇଥିବାବେଳେ ସେମାନଙ୍କ ନିକଟ ସମ୍ପର୍କକୁ ଆସିଥିବା ସମସ୍ତଙ୍କୁ ନିଜର ପରୀକ୍ଷା କରିବାକୁ ପରାମର୍ଶ ଦେଇଛନ୍ତି । ସମସ୍ତଙ୍କୁ ଏଠାରେ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଛି ବୋଲି ସୂତ୍ରରୁ ପ୍ରକାଶ
ଇତି ମଧ୍ୟରେ, ଓଡିଶାର କୋଭିଡ-୧୯ ପରିସଂଖ୍ୟାନ ୨ ନଭେମ୍ବରରେ ୧,୩୮୯ ଟି ନୂଆ ମାମଲା ସହିତ ୨,୯୩,୨୧୪ କୁ ବୃଦ୍ଧି ପାଇଛି । ୯ ଜଣଙ୍କ ମୃତ୍ୟୁ ସହିତ ମୋଟ୍ ମୃତ୍ୟୁସଂଖ୍ୟା ୧,୩୪୦ ରେ ପହଞ୍ଚିଛି ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଅଧିକାରୀ କହିଛନ୍ତି ।
ନୂତନ ମାମଲାଗୁଡ଼ିକ ମଧ୍ୟରୁ ୭୯୮ ଟି ବିଭିନ୍ନ କ୍ୱାରେଣ୍ଟାଇନ୍ କେନ୍ଦ୍ରରୁ ଏବଂ ୫୯୧ ଟି ଲୋକାଲ କେସ୍ । ଖୋରଧାରେ ସର୍ବାଧିକ ୧୪୨ ଜଣ ଚିହ୍ନଟ ହୋଇଥିବାବେଳେ କଟକରେ ୧୦୧ ଏବଂ ସୁନ୍ଦରଗଡରେ ୧୦୦ ଜଣ ଚିହ୍ନଟ ହୋଇଛନ୍ତି ।
ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ କହିଛି ଯେ ଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ ନଅ ଜଣ କୋଭିଡ ପଜିଟିଭ ରୋଗୀଙ୍କ ମୃତ୍ୟୁ ହୋଇଛି । ଏମାନଙ୍କ ମଧ୍ୟରୁ ସୁନ୍ଦରଗଡରେ ତିନୋଟି ନୂତନ ମୃତ୍ୟୁ ରେକର୍ଡ ହୋଇଥିବାବେଳେ ଖୋରଧା, ପୁରୀ, କଟକ, ସମ୍ବଲପୁର, କନ୍ଧମାଳ ଏବଂ ସୋନେପୁରରେ ଜଣେ କରି ରହିଛନ୍ତି ।
ଏପର୍ଯ୍ୟନ୍ତ ରିପୋର୍ଟ ହୋଇଥିବା ୧,୩୪୦ କରୋନା ମୃତ୍ୟୁ ମଧ୍ୟରୁ ଖୋରଧାରେ ୨୩୧, ଗଞ୍ଜାମରେ ୨୩୦ ଏବଂ କଟକରେ ୧୧୨ ରହିଛି । ଅନ୍ୟ ୫୩ ଜଣ କୋଭଡ-୧୯ ରୋଗୀ ମଧ୍ୟ ଅନ୍ୟାନ୍ୟ ଗୁରୁତର ରୋଗ ଯୋଗୁଁ ମୃତ୍ୟୁବରଣ କରିଛନ୍ତି ବୋଲି ଅଧିକାରୀମାନେ କହିଛନ୍ତି ।
ରାଜ୍ୟରେ ୧୪,୨୫୭ ସକ୍ରିୟ ମାମଲା ଥିବାବେଳେ ୨,୭୭,୫୬୪ ରୋଗୀ ବର୍ତ୍ତମାନ ପର୍ଯ୍ୟନ୍ତ କୋଭିଡ-୧୯ ରୁ ସୁସ୍ଥ ହୋଇଛନ୍ତି । ରବିବାର ଦିନ ୪୩,୩୩୨କରୋନା ପରୀକ୍ଷା ସହିତ ଓଡିଶାରେ କୋଭିଡ-୧୯ ପାଇଁ ଏପର୍ଯ୍ୟନ୍ତ ୪୬.୪୫ ଲକ୍ଷରୁ ଅଧିକ ନମୁନା ପରୀକ୍ଷା କରାଯାଇଛି । ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ପକ୍ଷରୁ ପ୍ରକାଶିତ ତଥ୍ୟ ଅନୁଯାୟୀ ରାଜ୍ୟରେ ପଜିଟିଭ ହାର ୬.୧୩ ପ୍ରତିଶତ ରହିଛି ।