ଭୁବନେଶ୍ୱର: ଓଡ଼ିଶା ହାଇକୋର୍ଟର ବରିଷ୍ଠ ଆଇନଜୀବୀ ପୀତାମ୍ବର ଆଚାର୍ଯ୍ୟଙ୍କୁ ଓଡ଼ିଶାର ନୂଆ ଆଡଭୋକେଟ ଜେନେରାଲ ଭାବେ ନିଯୁକ୍ତି ଦିଆଯାଇଛି। ଏ ନେଇ ଆଇନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।
ଭାରତୀୟ ସମ୍ବିଧାନର ଧାରା ୧୬୫ର ଧାରା (୧) ଅନୁଯାୟୀ ଓଡ଼ିଶା ହାଇକୋର୍ଟର ବରିଷ୍ଠ ଆଇନଜୀବୀ ଶ୍ରୀ ପୀତାମ୍ବର ଆଚାର୍ଯ୍ୟଙ୍କୁ ତୁରନ୍ତ ଓଡ଼ିଶା ରାଜ୍ୟ ପାଇଁ ଆଡଭୋକେଟ୍ ଜେନେରାଲ ଭାବେ ନିଯୁକ୍ତ କରି ରାଜ୍ୟପାଳ ଆନନ୍ଦିତ ହୋଇଛନ୍ତି।
ଶ୍ରୀ ଆଚାର୍ଯ୍ୟ ହେବେ ବିଜେପି ସରକାରଙ୍କ ପ୍ରଥମ ଏଜି। ସେ ବିଜେପି ଏବଂ ରାଜ୍ୟର ଜଣାଶୁଣା ବ୍ୟକ୍ତିତ୍ୱଙ୍କ ପାଇଁ ହାଇକୋର୍ଟରେ ଅନେକ ହାଇପ୍ରୋଫାଇଲ ମାମଲାକୁ ସଫଳତାର ସହ ପରିଚାଳନା କରିଛନ୍ତି।
ନିକଟରେ ଅନୁଷ୍ଠିତ ବିଧାନସଭା ନିର୍ବାଚନରେ ବିଜେଡି ହାରିବା ପରେ ଶେଷ ଏଜି ଅଶୋକ କୁମାର ପରିଜା ଏହି ପଦରୁ ଇସ୍ତଫା ଦେଇଥିଲେ। ସେବେଠାରୁ ଏହି ପଦବୀ ଖାଲି ପଡ଼ିଥିଲା।
ନୂଆ ଏଜିଙ୍କ ନିଯୁକ୍ତି ପରେ ଏବେ ଅନ୍ୟ ସରକାରୀ ଓକିଲ ନିଯୁକ୍ତି ହେବ ା ଉଲ୍ଲେଖନୀୟ ଯେ ନୂଆ ସରକାର ଗଠନ ପରେ ଏଜିଙ୍କ ସହିତ ଅନ୍ୟ ସରକାରୀ ଓକିଲମାନେ ମଧ୍ୟ ଇସ୍ତଫା ଦେଇଛନ୍ତି ା