ଭୁବନେଶ୍ୱର : ଧାନ କିଣାରେ ଅଧିକ ସ୍ୱଚ୍ଛତା ଆଣିବା ପାଇଁ ରାଜ୍ୟ ସରକାର ୨୦୨୮-୨୯ ଖରିଫ ଋତୁ ପର୍ଯ୍ୟନ୍ତ ରାଜ୍ୟର ଧାନ ଚାଷ ଜମିର ଗ୍ରାମଭିତ୍ତିକ ଯାଞ୍ଚ ଜାରି ରଖିବାକୁ ନିଷ୍ପତ୍ତି ନିଆଯାଇଛି ।
ଉଭୟ ଖରିଫ ଓ ରବି ଫସଲ ଋତୁରେ ଫସଲ ପରିପକ୍ୱତା ସମୟରେ କୃଷକ ପଞ୍ଜୀକରଣ ତଥ୍ୟ, କାଡାଷ୍ଟ୍ରାଲ ମାନଚିତ୍ର, ଜମି ରେକର୍ଡ ଡାଟା (ଆରଓଆର) ଏବଂ ପ୍ରାୟ ହାଇ ରିଜୋଲ୍ୟୁସନ୍ ସାଟେଲାଇଟ୍ ଫଟୋ ବ୍ୟବହାର କରି ଧାନ ଫସଲ ଉତ୍ପାଦନ ଇଲାକାର ଗ୍ରାମଭିତ୍ତିକ, ଜମି ୱାରୀ ଯାଞ୍ଚ କରିବାକୁ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗର ପ୍ରମୁଖ ଶାସନ ସଚିବ ବୀର ବିକ୍ରମ ଯାଦବ ନିର୍ଦ୍ଦେଶ ଦେଇଛନ୍ତି ।
ଓଡ଼ିଶା ମହାକାଶ ପ୍ରୟୋଗ କେନ୍ଦ୍ର (ଓରସାକ୍) ଖରିଫ ଫସଲ ଋତୁରେ ସମସ୍ତ ୩୦ଟି ଜିଲ୍ଲା ଏବଂ ରବି ଫସଲ ଋତୁରେ ଅନ୍ତର୍ଭୁକ୍ତ ସମସ୍ତ ୧୭ଟି ଜିଲ୍ଲାରେ ୨୦୨୧-୨୨ ଖରିଫରୁ ୨୦୨୩-୨୪ ଖରିଫ ଋତୁ ପର୍ଯ୍ୟନ୍ତ ସଫଳତାର ସହ କାର୍ଯ୍ୟକାରୀ କରିଛି ।
ଚାଷୀଙ୍କ ଧାନ ଫସଲ, ଜମି ୱାରୀ, ଗାଁ ୱାରୀ, ଭୁଲ୍ ରିପୋର୍ଟିଂ କୁ ଦୂର କରିବା ପାଇଁ ସଠିକ୍ ମୂଲ୍ୟାୟନ ଯୋଗୁଁ ଧାନ କିଣା ଯାଇଥିବା ଜିଲ୍ଲାଗୁଡ଼ିକରେ ଧାନ କିଣା କାର୍ଯ୍ୟକୁ ଶୃଙ୍ଖଳିତ କରାଯାଇ ପାରିଛି । ଓରସାକ୍ ଦ୍ୱାରା ଏହି ପ୍ରକଳ୍ପର ସଫଳ ରୂପାୟନ ଆଧାରରେ, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ଏହି ପ୍ରକଳ୍ପକୁ ଓରସାକ୍ ଦ୍ୱାରା ୯ଟି ଫସଲ ଋତୁରେ, ଅର୍ଥାତ୍ ଖରିଫ ଫସଲ ଋତୁ (କେଏମଏସ ୨୦୨୪-୨୫) ଠାରୁ ଖରିଫ ଫସଲ ଋତୁ (କେଏମଏସ ୨୦୨୮-୨୯) ପର୍ଯ୍ୟନ୍ତ ଅଧିକ କାର୍ଯ୍ୟକାରୀ କରିବା ପାଇଁ ବୃଦ୍ଧି କରିଛି ।
ଓଡ଼ିଶା ସରକାରଙ୍କ ଦ୍ୱାରା ଖରିଫ ଓ ରବି ଧାନ କ୍ରୟ ଏକ ସମୟବଦ୍ଧ ପ୍ରକ୍ରିୟା । ରାଜ୍ୟର ୫୧ ହଜାରରୁ ଅଧିକ ଗାଁ ଥିବା ରାଜ୍ୟରେ ପ୍ରତିବର୍ଷ ଲକ୍ଷ ଲକ୍ଷ ଚାଷୀ ଧାନ ଚାଷ କରୁଛନ୍ତି । ଧାନ ଫସଲ ବିକ୍ରି କରିବାକୁ ଇଚ୍ଛୁକ ଚାଷୀମାନେ ସର୍ବନିମ୍ନ ସହାୟକ ମୂଲ୍ୟ (ଏମ୍ଏସପି) ନେଇ ସରକାରଙ୍କୁ ଧାନ ବିକିବାପାଇଁ ବିଭାଗ ପି-ପାସ୍ ବ୍ୟବସ୍ଥା କାର୍ଯ୍ୟକାରୀ କରିଛି ।
ଚାଷୀଙ୍କ ପଞ୍ଜିକରଣର ସତ୍ୟତା ଯାଞ୍ଚ କରିବା ପାଇଁ ଚାଷୀମାନେ ଦେଇଥିବା ଧାନ ଫସଲର ଗ୍ରାମଭିତ୍ତିକ ଜମି ୱାରୀ ଯାଞ୍ଚ ଆରମ୍ଭ କରାଯାଇଛି । ଏହି କାର୍ଯ୍ୟ ପାଇଁ କ୍ରୟ ପ୍ରକ୍ରିୟାକୁ ସମ୍ପୂର୍ଣ୍ଣ ଭାବରେ ବୁଝିବା ଏବଂ ଓରସାକ୍, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ଏବଂ ଏହାର ପ୍ରତିଷ୍ଠାନ ଗୁଡ଼ିକ ସହିତ ଘନିଷ୍ଠ ସମନ୍ୱୟ ଆବଶ୍ୟକ । ଏହାବ୍ୟତୀତ ଭିତ୍ତିଭୂମି ଏବଂ ଅତ୍ୟନ୍ତ ଦକ୍ଷ ରିମୋଟ୍ ସେନ୍ସିଂ, ଜିଆଇଏସ୍ ଏବଂ ଆଇଟି ପେସାଦାରମାନଙ୍କୁ ବ୍ୟାପକ ପରିମାଣରେ ଡାଟା ବିଶ୍ଳେଷଣ, ଜିଓ-ସ୍ପେସିଆଲ୍ ଡାଟାବେସ୍ ଉତ୍ପାଦନ, ଚିତ୍ର ବିଶ୍ଳେଷଣ, ଗୁଣବତ୍ତା ଯାଞ୍ଚ, ଜମି ଯାଞ୍ଚ, ନିୟମ ଭିତ୍ତିକ ବୈଧତା, କ୍ଷେତ୍ର ପ୍ରଶିକ୍ଷଣ ଇତ୍ୟାଦିର ପରିଚାଳନା ପାଇଁ ଅଭିଜ୍ଞତା ପ୍ରଦାନ କରାଯିବ ବୋଲି ଅଧିକାରୀମାନେ ସୂଚନା ଦେଇଛନ୍ତି । (ତଥ୍ୟ)