ଭୁବନେଶ୍ୱର : ସାଇବର ଠକମାନେ ପ୍ରତିଦିନ ଓଡିଶାରୁ ଏକ କୋଟି ଟଙ୍କାରୁ ଅଧିକ ଲୁଟି ନେଉଛନ୍ତି । ଚଳିତବର୍ଷ ଜାନୁୟାରୀ ପହିଲାରୁ ୧୫ ତାରିଖରେ ମଧ୍ୟରେ ହୋଇଥିବା ସାଇବର ଠକେଇକୁ ଦେଖିଲେ ଏହା ଜଳ ହୋଇ ଦିଶୁଛି ।
ସାଇବର ଅପରାଧ ସଂକ୍ରନ୍ତରେ ଗୃହ ବିଭାଗର ସୂଚନା ଅନୁଯାୟୀ ଚଳିତବର୍ଷ ଜାନୁୟାରୀ ପହିଲାରୁ ୧୫ ତାରିଖ ମଧ୍ୟରେ ରାଜ୍ୟରେ ୧୮୯୩ଟି ସାଇବର ଠକେଇ ଅଭିଯୋଗ ଆସିଥିବାବେଳେ ସାଇବର ଠକମାନେ କୋଟି ଟଙ୍କା ଲୁଟି ନେଇଛନ୍ତି । ଅର୍ଥାତ୍ ଓଡିଶାର ଲୋକଙ୍କୁ ଦିନରୁ ଏକ କୋଟି ଟଙ୍କାରୁ ଅଧିକ ଠକେଇ କରୁଛନ୍ତି । ତେବେ ଠକେଇ ହୋଇଥିବା ୨୧ କୋଟି ଟଙ୍କାରୁ ପାଖପାଖି ୨୫ଲକ୍ଷ ଟଙ୍କା ଫେରସ୍ତ ଅଣାଯାଇଥିବାବେଳେ ଏକ କୋଟି ୬୧ଲକ୍ଷ ଟଙ୍କାକୁ ଅଟକ ରଖାଯାଇଛି ।
ଗତବର୍ଷ ସାଇବର ଠକମାନେ ଓଡିଶାରୁ ପାଖାପାଖି ୩୭୬ କୋଟି ଟଙ୍କା ଠକି ନେଇଥିଲେ । ଠକେଇର ଶିକାର ହୋଇଥିବା ୩୮ହଜାରରୁ ଅଧିକ ଅଭିଯୋଗ ପାଇବାପରେ ପୁଲିସ୍ ପାକପାଖି ୪କୋଟି ଟଙ୍କା ଫେରାଇ ଆଣିବାରେ ସମର୍ଥ ହୋଇଥିବାବେଳେ ୩୭କୋଟିରୁ ଅଧିକ ଟଙ୍କାକୁ ଅଟକାଇ ଦେବାରେ ସଫଳ ହୋଇଥିଲେ ।
କେବଳ ସାଇବର ଠକେଇ ନୁହେଁ ସାଇବର ଅପରାଧି ମଧ୍ୟ ରାଜ୍ୟରେ ବଢିବରେ ଲାଗିଛି । ୨୦୨୨ରେ ରାଜ୍ୟରେ ୧୯୮୩ଟି ସାଇବର ଠକେଇ ପଞ୍ଜିକୃତ ହୋଇଥିବାବେଳେ ୨୦୨୩ରେ ଏହି ସଂଖ୍ୟା ୨୩୪୮ ଏବଂ ଗତବର୍ଷ ଏହା ୨୫୦୧ରେ ପହଞ୍ଚିଥିଲା । ତେବେ ପୁଲିସ୍ର ପଦକ୍ଷେପ ଯୋଗୁଁ ସାଇବର ଅପରାଧରେ ଜଡିତ ଲୋକଙ୍କ ସଂଖ୍ୟା ମଧ୍ୟ ବଢିବାରେ ଲାଗିଛି । ପୁରୁଷଙ୍କ ସହିତ ମହିଳାମାନେ ମଧ୍ୟ ଏହି ଅପରାଧିକ ମାମଲାରେ ଗିରଫ ହେଉଛନ୍ତି । ଗତ ୩ବର୍ଷରେ ପୁଲିସ୍ ୪୧ଜଣ ମହିଳାଙ୍କୁ ଗିରଫ କରିବାରେ ସଫଳ ହୋଇଛି ।
ପୁଲିସ୍ ପକ୍ଷରୁ କୁହାଯାଇଛି ଯେ ସାଇବର ଅପରାଧ ଘଟାଇବାର ପଦ୍ଧତି କ୍ରମାଗତ ଭାବେ ପରିବର୍ତ୍ତନ ହେଉଥିବାରୁ ଲୋକମାନେ ତାଙ୍କ ଅଜଣାତରେ ଏହାର ଶିକାର ହୋଇଯାଉଛନ୍ତି । ସାଇବର ଅପରାଧି ବୃଦ୍ଧି ଏକ ଜାତୀୟ ଘଟଣା ହୋଇଥିବାବେଳେ ଓଡିଶାରେ ମଧ୍ୟ ଏହା ବଢିବାରେ ଲାଗିଛି । ଏଥି ସହିତ ସୋସିଆଲ ମିଡିଆର ବହୁଳ ଅପବ୍ୟବହାର ଫଳରେ ଅଳ୍ପ ବୟସର ଯୁବକ ଯୁବତୀମାନେ ଠକାମୀର ଶିକାର ହେଉଛନ୍ତି । ସେହିଭଳି ବୟସ୍କ ଲୋକମାନେ ମଧ୍ୟ ନିଜର ଅସଚେତନତା, ନିସଙ୍ଗତା ଏବଂ ଅସହାୟତା ଯୋଗୁଁ ସାଇବର ଠକେଇର ଶିକାର ହେଉଛନ୍ତି । ଯୁବତୀମାନଙ୍କ ଅଜ୍ଞତା ବଶତଃ ସେମାନଙ୍କର ଅନ୍ତରଙ୍ଗ ମୂହୂର୍ତ୍ତର ଭିଡିଓ / ଚିତ୍ର ସାଇବର ଠକଙ୍କ ହାତରେ ପଡିବା ଫଳରେ ସେମାନେ ସାଇବର ଅପରାଧର ଶିକାର ହୋଇଯାଉଛନ୍ତି ।
ସରକାରୀ ରିପୋର୍ଟ ଅନୁଯାୟୀ ସାଇବର ଠକେଇ ସହିତ ତାଳ ଦେଇ ଆର୍ଥିକ ଅପରାଧ ମଧ୍ୟ ଘଟିବାରେ ଲାଗିଛି । ୨୦୨୪ ମସିହାରେ ୪୩,୭୪୦ଟି ଆର୍ଥିକ ଅପରାଧର ଅଭିଯୋଗ ହୋଇଥିବାବେଳେ ଚଳିତବର୍ଷ ଜାନୁୟାରୀ ୧ରୁ ୧୫ତାରିଖ ମଧ୍ୟରେ ୨୦୭୨ଟି ଆର୍ଥିକ ଅପରାଧର ଅଯୋଗ ହୋଇଥିବାବେଳେ ଏହି ସମୟରେ ୨୩କୋଟି ଟଙ୍କାର ଅପରାଧ ହୋଇଛି । (ତଥ୍ୟ)