ଭୁବନେଶ୍ୱର : ବଡମ୍ବା ଚିନି କଳ ସଂପର୍କରେ ସମବାୟ ମନ୍ତ୍ରୀ ଅତନୁ ସବ୍ୟସାଚୀ ନାୟକଙ୍କ ଅଧ୍ୟକ୍ଷତାରେ ଆଜି ଏକ ଉଚ୍ଚସ୍ତରୀୟ ବୈଠକ ଅନୁୂଷ୍ଠିତ ହୋଇଯାଇଛି ।
ଆୟୋଜିତ ଉକ୍ତ ବୈଠକରେ ବଡମ୍ବା ବିଧାୟକ ଦେବୀପ୍ରସାଦ ମିଶ୍ର , ସମବାୟ ବିଭାଗ ପ୍ରମୁଖ ସଚିବ ସଞ୍ଜୀବ କୁମାର ଚଢା , ସମବାୟ ନିବନ୍ଧକ ଉଦ୍ଧବ ଚରଣ ମାଝୀ , କଟକ ଜିଲ୍ଲାପରିଷଦ ସି.ଇ.ଓ ଅମ୍ବର କୁମାର କର , ସମବାୟ ବିଭାଗ ଅର୍ଥ ପରାମର୍ଶଦାତା , ବଡମ୍ବା ତହସିଲ୍ଦାର ଏବଂ ୟୁନିୟନ ବ୍ୟାଙ୍କ ଅଧିକାରୀଙ୍କ ସମେତ ଅନ୍ୟାନ୍ୟ ବିଭାଗୀୟ ପଦାଧିକାରୀମାନେ ଉପସ୍ଥିତ ଥିଲେ ।
ବୈଠକ ବିବରଣୀରୁ ପ୍ରକାଶ ଯେ ଗତ୬.୪.୧୯୮୯ ମସିହାରେ ଦୈନିକ ୧୨୫୦ ଟନ ପେଷିବା କ୍ଷମତା ଥାଇ ପ୍ରତିଷ୍ଠା ହୋଇ ଥିବା ଏହି କଳ ୧୭.୦୧.୧୯୯୦ ମସିହାରେ ଉତ୍ପାଦନ ଆରମ୍ଭ ହୋଇଥିଲା ।
ତେବେ ବିଭିନ୍ନ କାରଣ ଓ ସମସ୍ୟା ଯୋଗୁଁ ଦୀର୍ଘ ଦିନ ଧରି ଏହା ଅଚଳ ହୋଇ ପଡିଛି । ସେହି ସବୁ କାରଣ ଓ କଣ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଆଦି ସଂପର୍କରେ ବିସ୍ତୃତ ଆଲୋଚନା କରାଯାଥିଲା । ତେବେ ଖୁବ୍ ଶୀଘ୍ର ଏ ନେଇ ଆଉ ଏକ ବୈଠକ ଅନୁଷ୍ଠିତ ହେବ ବୋଲି ନିଷ୍ପତି ହୋଇଛି ।