ଗାନ୍ଧୀ ମାର୍ଗ ରଣକ୍ଷେତ୍ର

ଭୁବନେଶ୍ୱର: କଂଗ୍ରେସର ଆଜି ବିଧାନସଭା ଘେରାଓ କାର୍ଯ୍ୟକ୍ରମ ହିଂସାତ୍ମକ ହୋଇପଡିଥିବାରୁ ମହାତ୍ମା ଗାନ୍ଧୀ ମାର୍ଗ ରଣକ୍ଷେତ୍ରରେ ପରିଣତ ହୋଇଥିଲେ। କଂଗ୍ରେସ କାର୍ଯ୍ୟକର୍ତ୍ତାମାନେ ବିଧାନସଭା ଆଡକୁ ଯିବାକୁ ବ୍ୟାରିକେଡ୍ ଭାଙ୍ଗିବାକୁ ଚେଷ୍ଟା କରୁଥିବାବେଳେ ପୋଲିସ୍ ସହ ସେମାନଙ୍କର ମୁକାବିଲା ହୋଇଥିଲା ।

ମହିଳାମାନଙ୍କ ପ୍ରତି ବଢୁଥିବା ଅପରାଧର ପ୍ରତିବାଦରେ ବ୍ୟାରିକେଡ ଭାଙ୍ଗି ବିଧାନସଭା ଆଡ଼କୁ ମାଡିଯାଉଥିବା କଂଗ୍ରେସ କାର୍ଯ୍ୟକର୍ତ୍ତାଙ୍କୁ ତଡିବା ପାଇଁ ପୋଲିସ ଲାଠିଚାର୍ଜ, ଲୁହବୁହା ବାସ୍ପ ପ୍ରୟୋଗ ଏବଂ ପାଣି ସ୍ପ୍ରେ କରିଥିଲା।

କଂଗ୍ରେସ କାର୍ଯ୍ୟକର୍ତ୍ତାମାନେ ରାଜ୍ୟ ବିଧାନସଭାକୁ ଯିବାକୁ ଉଦ୍ୟମ କରୁଥିବା ବେଳେ ପୋଲିସ ଉପରକୁ ପଥର, ଚେୟାର, ଅଣ୍ଡା ଆଦି ଫିଙ୍ଗିଥିଲେ ।

ହଜାର ହଜାର କଂଗ୍ରେସ କାର୍ଯ୍ୟକର୍ତ୍ତା, ପୋଲିସର କାର୍ଯ୍ୟାନୁଷ୍ଠାନରେ ଅସନ୍ତୋଷ ପ୍ରକାଶ କରି ପୋଲିସ ଫୋର୍ସ ଉପରେ ଆକ୍ରମଣ ଜାରି ରଖି ଗାନ୍ଧୀ ମାର୍ଗ ଖାଲି କରିବାକୁ ମନା କରିଦେଇଥିଲେ।

କଂଗ୍ରେସ କାର୍ଯ୍ୟକର୍ତ୍ତାମାନେ ଯିବାକୁ ମନା କରିବାରୁ ପୋଲିସ ପ୍ରଦର୍ଶନକାରୀଙ୍କୁ ଗିରଫ କରିବା ଆରମ୍ଭ କରିଥିଲା। ପ୍ରଦେଶ କଂଗ୍ରେସ ସଭାପତି ଭକ୍ତ ଚରଣ ଦାଶ କହିଛନ୍ତି ଯେ ରାଜ୍ୟର ବ୍ଲକଗୁଡିକରେ ପରବର୍ତ୍ତୀ ପର୍ଯ୍ୟାୟରେ ଦଳ ଏକ “ନ୍ୟାୟ ସତ୍ୟଗ୍ରାହ” ଆୟୋଜନ କରିବ ଏବଂ ମହିଳାଙ୍କ ସୁରକ୍ଷା ଦାବି କରି ରାଜ୍ୟରେ ସେମାନଙ୍କ ବିରୋଧରେ ବୃଦ୍ଧି ପାଉଥିବା ଅପରାଧକୁ ବିରୋଧ କରିବ।

ଏହି ସଂଘର୍ଷରେ କଂଗ୍ରେସର ଅନେକ କାର୍ଯ୍ୟକର୍ତ୍ତା ଏବଂ ଏକ ଡଜନ ପୋଲିସ କର୍ମଚାରୀ ଆହତ ହୋଇଥିଲେ। ପରିସ୍ଥିତି ନିୟନ୍ତ୍ରଣ ବାହାରକୁ ଚାଲିଯିବା ପରେ ପ୍ରଥମେ ଲାଟିଚାର୍ଜ ବ୍ୟବହାର କରିଥିବା ପୋଲିସ ପରେ କଂଗ୍ରେସ କାର୍ଯ୍ୟକର୍ତ୍ତାଙ୍କୁ ଘଉଡାଇବା ପାଇଁ ଲୁହବୁହା ବାସ୍ଫ ଫିଙ୍ଗି ଦେଇଥିଲା।

ଦଳର ‘ବିଧାନସଭା ଘେରାଓ’ କାର୍ଯ୍ୟକ୍ରମରେ ଅଂଶଗ୍ରହଣ କରିଥିବା ଓପିସିସି ସଭାପତି ଭକ୍ତ ଚରଣ ଦାସ ଏବଂ ପୂର୍ବତନ ବିଧାୟକ ମହମ୍ମଦ ମୋକିମଙ୍କ ସମେତ କଂଗ୍ରେସ ନେତାଙ୍କୁ ପୋଲିସ ହେପାଜତରେ ନିଆଯାଇଛି।

ଭୁବନେଶ୍ୱର ଡିସିପି ଜଗମୋହନ ମୀନା କହିଛନ୍ତି, “ପରିସ୍ଥିତି ନିୟନ୍ତ୍ରଣରେ ଥିଲା। ଆମର ୧୨ ଜଣ ଅଧିକାରୀ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ବିଧାନସଭାର ସମସ୍ତ ପ୍ରବେଶ ପଥରେ ପୋଲିସ କର୍ମଚାରୀ ନିୟୋଜିତ ହୋଇଛନ୍ତି।”

କଂଗ୍ରେସ ସଭାପତି ଭକ୍ତ ଚରଣ ଦାସ ପୋଲିସର କାର୍ଯ୍ୟକୁ ନିନ୍ଦା କରି କହିଛନ୍ତି ଯେ ଅନେକ କଂଗ୍ରେସ କାର୍ଯ୍ୟକର୍ତ୍ତା ଆହତ ହୋଇଛନ୍ତି। କଂଗ୍ରେସ କର୍ମୀଙ୍କୁ ବିଧାନସଭାକୁ ଯିବାକୁ ଅନୁମତି ଦିଅନ୍ତୁ କିମ୍ବା ସେମାନଙ୍କୁ ଗିରଫ କରିବାକୁ ସେ ପୋଲିସକୁ ଅନୁରୋଧ କରିଛନ୍ତି।

ଓଡିଶାର ଦାୟିତ୍ୱରେ ଥିବା ଏଆଇସିସି ପ୍ରଭାରୀ ଅଜୟ କୁମାର ଲାଲୁ ମଧ୍ୟ କଂଗ୍ରେସ କର୍ମୀଙ୍କ ଉପରେ ପୋଲିସର ଅତ୍ୟାଚାରକୁ ନେଇ ଓଡିଶା ସରକାରଙ୍କୁ ନିନ୍ଦା କରିଛନ୍ତି। ଏହି ପ୍ରତିବାଦ ସମୟରେ ପୋଲିସ ପକ୍ଷରୁ ଶ୍ରୀ ଦାସଙ୍କୁ ଗିରଫ କରାଯାଇଥିଲେ ମଧ୍ୟ ଶାନ୍ତି ବଜାୟ ରଖିବାକୁ ଶ୍ରୀ ଦାସ ପୂର୍ବରୁ କହିଥିଲେ।

ସେ ରାଜ୍ୟ ସରକାରଙ୍କୁ ଆଶ୍ୱାସନା ଦେଇଥିଲେ ଯେ ବିରୋଧ ପ୍ରଦର୍ଶନ ସମୟରେ ଦଳୀୟ କର୍ମୀମାନେ ବିଧାନସଭା ପରିସରରେ ପ୍ରବେଶ କରିବେ ନାହିଁ।

ଦୀର୍ଘ ୧୩ବର୍ଷ ପରେ ଗାନ୍ଧୀ ମାର୍ଗରେ ପୁଲିସ୍‍ ଓ କଂଗ୍ରେସ କର୍ମୀ ଏଭଳି ମୁହାଁମୁହିଁ ହୋଇଛନ୍ତି । ୨୦୧୨ ମସିହାରେ ନିରଞ୍ଜନ ପଟ୍ଟନାୟକ କଂଗ୍ରେସ ସଭାପତି ଥିବା ସମୟରେ ଗାନ୍ଧୀମାର୍ଗ ଏଭଳି ରଣକ୍ଷେତ୍ର ପାଲଟିଥିଲା ।