Home Education ସୋଆ କୃଷି ମହାବିଦ୍ୟାଳୟରେ ରାୱେ ଉଦ୍‌ଯାପନୀ ଉତ୍ସବ

ସୋଆ କୃଷି ମହାବିଦ୍ୟାଳୟରେ ରାୱେ ଉଦ୍‌ଯାପନୀ ଉତ୍ସବ

ଭୁବନେଶ୍ୱର : ଶିକ୍ଷା ଓ ଅନୁସନ୍ଧାନ ବିଶ୍ୱବିଦ୍ୟାଳୟ ଅଧିନସ୍ଥ କୃଷି ମହାବିଦ୍ୟାଳୟରେ ଚତୁର୍ଥ ବର୍ଷର ଛାତ୍ରଛାତ୍ରୀମାନଙ୍କ ପାଇଁ ଉଦ୍ଦିଷ୍ଟ ଗ୍ରାମୀଣ କୃଷିଭିତିକ କାର୍ଯ୍ୟ ଅଭିଜ୍ଞତା (ରାୱେ ) କାର୍ଯ୍ୟକ୍ରମର ଉଦ୍‌ଯାପନୀ ଉତ୍ସବ ଚଳିତ ମାସ ୧୪ ତାରିଖ ଦିନ ଅନୁଷ୍ଠିତ ହୋଇଯାଇଛି ।

କୃଷି ମହାବିଦ୍ୟାଳୟର ଡିନ୍ ପ୍ରଫେସର ବିଜୟ କୁମାର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ବିଶ୍ୱବିଦ୍ୟାଳୟର ଗବେଷଣା ବିଭାଗର ଅତିରିକ୍ତ ଅଧ୍ୟକ୍ଷ ପ୍ରଫେସର ପ୍ରିୟବ୍ରତ ପଟ୍ଟନାୟକ ଯୋଗ ଦେଇ ଛାତ୍ରଛାତ୍ରୀମାନଙ୍କ କ୍ଷେତ୍ର ଭିତିକ ଜ୍ଞାନ ଓ ଚାଷୀମାନଙ୍କ ସମସ୍ୟାକୁ ମୁକାବିଲା କରିବାର କୌଶଳର ବିକାଶ ଉପରେ ଗୁରୁତ୍ୱାରୋପ କରିଥିଲେ ।

ରାୱେ କାର୍ଯ୍ୟକ୍ରମର ମୁଖ୍ୟ ସଂଯୋଜକ ଡଃ ଅଂଶୁମାନ ଜେନାଙ୍କ ସଂଯୋଜନାରେ ଅନୁଷ୍ଠିତ ଏଇ ଉତ୍ସବରେ ଅନ୍ୟତମ ଅତିଥି ଭାବେ ମହାବିଦ୍ୟାଳୟର ସ୍ନାତକୋତର ବିଭାଗ ଅଧ୍ୟକ୍ଷ ପ୍ରଫେସର ପ୍ରେମାନନ୍ଦ ମହାପାତ୍ର ଯୋଗ ଦେଇ ଛାତ୍ରଛାତ୍ରୀମାନଙ୍କ ଆଗାମୀ ବୃତିଗତ ଜୀବନରେ ଏହି କାର୍ଯ୍ୟକ୍ରମର ଭୂମିକା ସମ୍ବନ୍ଧରେ ଆଲୋକପାତ କରିଥିଲେ ।

ଏହି ଅବସରରେ ରାଜ୍ୟ ସରକାରଙ୍କ ଦ୍ୱାରା ସ୍ଥିରୀକୃତ କୃଷି ଉନ୍ନତ ସହଯୋଗୀ କାର୍ଯ୍ୟକ୍ରମରେ ଶ୍ରେଷ୍ଠ ବିବେଚିତ ବିଜେଶ ବିଶ୍ୱଜିତ, ସଞ୍ଜିତ ବରାଇ, ଶ୍ରୀମା ସମର୍ପିତା, ପୂଜାରାଣୀ ବେହେରା, କୃପାସାଗର ସାହୁ, ସତ୍ୟ ସଂକଳ୍ପ ପାଇକରାୟ, ତୃସ୍ଥା ବିଶ୍ୱାସ, ସୌମ୍ୟ ରଂଜନ ସାମଲ, ସୁବ୍ରତ ପଟେଲ, ସ୍ୱାତୀ ସାଗ୍ନିକା, ଅନ୍ୟନ୍ୟା ଦାସ ମଙ୍ଗରାଜ ପ୍ରମୁଖ ୧୧ ଜଣ ଛାତ୍ରଛାତ୍ରୀଙ୍କୁ ପ୍ରମାଣପତ୍ର ସହ ପୁରସ୍କାର ପ୍ରଦାନ କରାଯାଇଥିଲା ।

କୃଷି ମହାବିଦ୍ୟାଳୟର ଅତିରିକ୍ତ ଅଧ୍ୟକ୍ଷ ଓ ରାୱେ କାର୍ଯକ୍ରମର ଅଧ୍ୟକ୍ଷ ପ୍ରଫେସର ସନ୍ତୋଷ କୁମାର ରାଉତ ପୁରସ୍କୃତ ଛାତ୍ରଛାତ୍ରୀମାନଙ୍କୁ ଅଭିବାଦନ ଜଣାଇବା ସହ ଆଗାମୀ ଦିନରେ ଏହି ଅଭିଜ୍ଞତା ଓ ଜ୍ଞାନ କୁ ଉଚିତ ମାର୍ଗରେ ବିନିଯୋଗ କରିବାକୁ ପରାମର୍ଶ ଦେଇଥିଲେ ।

ଭାଷା ପରୀକ୍ଷାଗାରରେ ଅନୁଷ୍ଠିତ ଏହି ଉତ୍ସବରେ ସବୁ ବିଭାଗର ବିଭାଗୀୟ ମୁଖ୍ୟ ବରିଷ୍ଠ ପ୍ରାଧ୍ୟାପକଙ୍କ ସମେତ ରାୱେ କମିଟିର ସମସ୍ତ ସଦସ୍ୟ ମାନେ ଯୋଗ ଦେଇଥିଲେ । ପ୍ରଫେସର ସରୋଜ କୁମାର ମହାନ୍ତି, ସହକରୀ ପ୍ରାଧ୍ୟାପକ ବିଜୟଲକ୍ଷ୍ମୀ ନାୟକ, କାଜଲ ଶ୍ରୀଚନ୍ଦନ, ଡଃ ମୋନାଲିସା ଦାସ, ଶ୍ରୀଯୁକ୍ତ ସତ୍ୟ ନାରାୟଣ ଶତପଥୀ, ଡଃ ରାଜେଶ କୁମାର କର, ଡଃ ମନତୋଷ ଦାସ ବୈରାଗ୍ୟ, ଡଃ ଅଜୟ କୁମାର ପଟ୍ଟନାୟକ ଏବଂ ଡଃ ହୃଦାନନ୍ଦ ଅତିବୁଦ୍ଧି ପ୍ରମୁଖ ଏହି ଉତ୍ସବରେ ଉପସ୍ଥିତ ଥିଲେ ।

LEAVE A REPLY

Please enter your comment!
Please enter your name here