Home News in Odia ପାଇକ ବିଦ୍ରୋହକୁ ପ୍ରଥମ ସ୍ୱାଧୀନତା ସଂଗ୍ରାମର ମାନ୍ୟତା ଦାବି

ପାଇକ ବିଦ୍ରୋହକୁ ପ୍ରଥମ ସ୍ୱାଧୀନତା ସଂଗ୍ରାମର ମାନ୍ୟତା ଦାବି

ନୂଆଦିଲ୍ଲୀ : ବିଜୁ ଜନତା ଦଳର ସାଂସଦମାନେ ପାଇକ ବିଦ୍ରୋହକୁ ଦେଶର ପ୍ରଥମ ସ୍ୱାଧୀନତା ସଂଗ୍ରାମ ମାନ୍ୟତା ଦେବାପାଇଁ ଆଜି କେନ୍ଦ୍ର ସଂସ୍କୃତି ରାଷ୍ଟ୍ରମନ୍ତ୍ରୀ ଅର୍ଜୁନ ରାମ ମେଘୱାଲଙ୍କୁ ଭେଟ ଦାବିପତ୍ର ପ୍ରଦାନ କରିଛନ୍ତି ।

ବିଜେଡି ପକ୍ଷରୁ ଦିଆଯାଇଥିବା ଦାବିପତ୍ରରେ ଉଲ୍ଲେଖ କରାଯାଇଛି ଯେ ୧୮୧୭ ମସିହାରେ ପାଇକ ବିଦ୍ରୋହ ଘଟିଥିଲା ଯାହାକି ବ୍ରିଟିଶ ରାଜ ବିରୁଦ୍ଧରେ ଭାରତର ପ୍ରଥମ ସଂଗଠିତ ସଶସ୍ତ୍ର ବିଦ୍ରୋହ ଥିଲା । ଏହା ଭାରତ ପାଇଁ ସ୍ୱାଧୀନତାର ପ୍ରଥମ ଯୁଦ୍ଧ ଥିଲା ଯାହାକି ୧୫୫୭ ର ବିଦ୍ରୋହର ୪୦ ବର୍ଷ ପୂର୍ବରୁ ହୋଇଥିଲା, ଯାହାକୁ ବ୍ରିଟିଶ ଉପନିବେଶବାଦ ବିରୁଦ୍ଧରେ ଭାରତୀୟ ସ୍ୱାଧୀନତାର ପ୍ରଥମ ଯୁଦ୍ଧ କୁହାଯାଉଥିଲା । ଏହି ଯୁଦ୍ଧ ଓଡିଶାର ବକ୍ସି ଜଗବନ୍ଧୁଙ୍କ ନେତୃତ୍ୱରେ ହୋଇଥିଲା । ଗତ ଦୁଇ ଶତାବ୍ଦୀରୁ ବକ୍ସି ଜଗବନ୍ଧୁଙ୍କ ବୀରତ୍ୱର ଇତିହାସ ତଥା ଓଡିଶାର ସାହସୀ ପାଇକମାନେ ୪.୫ କୋଟି ଓଡିଆଙ୍କୁ ପ୍ରେରଣା ଯୋଗାଇ ଚାଲିଛନ୍ତି ।

ସମୟ ଆସିଛି, ଓଡିଆଙ୍କ ଏକ ପୀଢିର ଏହି ସଂଘର୍ଷ ଏବଂ ବଳିଦାନ ଇତିହାସରେ ଏହାର ଉପଯୁକ୍ତ ସ୍ଥାନ ପାଇବ । ପାଇକ ବିଦ୍ରୋହ ଭାରତର ଲୋକଙ୍କୁ ଶକ୍ତି ପ୍ରଦାନ ତଥା ସଂଗଠିତ କରିବାରେ ବାଟ କଢ଼ାଇଲା ଏବଂ ବ୍ରିଟିଶ ରାଜ୍ ବିରୁଦ୍ଧରେ ଦୃଢ ପ୍ରତିରୋଧ ସୃଷ୍ଟି କଲା, ଯାହା ଶେଷରେ ବ୍ରିଟିଶମାନଙ୍କୁ ଭାରତ ଛାଡିବାକୁ ବାଧ୍ୟକଲା ଏବଂ ଭାରତ ବିଦେଶୀ ଶାସନ କବଳରୁ ସ୍ୱାଧୀନତା ହାସଲ କଲା ।

୧୮ ଜୁଲାଇ, ୨୦୧୭ ରେ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ଓଡିଶା ମନ୍ତ୍ରୀମଣ୍ଡଳ ପାଇକ ବିଦ୍ରୋହକୁ ସ୍ୱାଧୀନତାର ପ୍ରଥମ ସଂଗ୍ରାମ ବୋଲି ଘୋଷଣା କରିବା ପାଇଁ ନବୀନ ପଟ୍ଟନାୟକ ଏକ ସଂକଳ୍ପ ପାରିତ କରିଥିଲେ । ୧୯ ଜୁଲାଇ, ୨୦୧୭ ରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ମାନ୍ୟବର କେନ୍ଦ୍ର ଗୃହମନ୍ତ୍ରୀ ଶ୍ରୀ ରାଜନାଥ ସିଂହଙ୍କୁ ଏକ ଚିଠି ଲେଖି ପାଇକ ବିଦ୍ରୋହକୁ ସ୍ୱାଧୀନତାର ପ୍ରଥମ ସଂଗ୍ରାମ ବୋଲି ଘୋଷଣା କରିବାକୁ ଅନୁରୋଧ କରିଥିଲେ । ଓଡିଶାର ଲୋକମାନେ ଏହି ପ୍ରସ୍ତାବକୁ ପୂର୍ଣ୍ଣ ପ୍ରାଣରେ ସମର୍ଥନ କରିଥିଲେ ଏବଂ ଆନନ୍ଦିତ ହୋଇଥିଲେ ଯେ ଶେଷରେ ପାଇକଙ୍କ ବୀର ମାଟିକୁ ଦେଶର ସମୃଦ୍ଧ ଐତିହ୍ୟ ଏବଂ ସଂସ୍କୃତିରେ ସଠିକ୍ ଭାବରେ ସ୍ୱୀକୃତି ଦିଆଯିବ ଯାହା ଯୋଗ୍ୟ ଅଟେ ।

୨୦ ଜୁଲାଇ, ୨୦୧୭ ରେ, ନୂଅଳଦିଲ୍ଲୀ ଠାରେ ପାଇକ ବିଦ୍ରୋହର ଏକ ବିରାଟ ଦୁଇଶହ ବର୍ଷ ପୂର୍ତ୍ତି ସମାବେଶ ଅନୁଷ୍ଠିତ ହୋଇଥିଲା ଯାହାକୁ ତତ୍କାଳୀନ ମାନ୍ୟବର ରାଷ୍ଟ୍ରପତି ଶ୍ରୀ ପ୍ରଣବ ମୁଖାର୍ଜୀ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ଉଦଘାଟନ କରିଥିଲେ । ଓଡିଶାର ବିଭିନ୍ନ ବର୍ଗର ଲୋକମାନେ ଅତ୍ୟନ୍ତ ଆନନ୍ଦିତ ଥିଲେ ଏବଂ ଆଶା କରିଥିଲେ ଯେ ପାଇକ ବିଦ୍ରୋହକୁ ସ୍ୱାଧୀନତାର ପ୍ରଥମ ସଂଗ୍ରାମ ଭାବରେ ଘୋଷଣା କରାଯିବ ।

୨୩ ଅକ୍ଟୋବର, ୨୦୧୭ ରେ ତତ୍କାଳୀନ ମାନ୍ୟବର କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ଶ୍ରୀ ପ୍ରକାଶ ଜାଭେଦକର ଭୁବନେଶ୍ୱରରେ ଏକ ସାମ୍ବାଦିକ ସମ୍ମିଳନୀରେ ଘୋଷଣା କରିଛଥିଲେ ଯେ ପାଇକ ବିଦ୍ରୋହ ଇତିହାସ ପୁସ୍ତକରେ ବ୍ରିଟିଶ ଶାସନ ବିରୁଦ୍ଧରେ ସ୍ୱାଧୀନତାର ପ୍ରଥମ ଯୁଦ୍ଧ ଭାବରେ ସ୍ଥାନ ପାଇବ । ଛାତ୍ରଛାତ୍ରୀମାନେ ୧୮୧୭ ର ପ୍ରକୃତ ଇତିହାସ ଶିଖିବେ । ଏହା ଓଡିଶାର ଲୋକଙ୍କ ପାଇଁ ବହୁତ ଖୁସି ଆଣିଦେଇଥିଲା ଯେ ଓଡିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ଦୀର୍ଘ ବର୍ଷର ସଂଘର୍ଷ ପରେ ଶେଷରେ ପାଇକ ବିଦ୍ରୋହକୁ ସ୍ୱାଧୀନତାର ପ୍ରଥମ ସଂଗ୍ରାମ ବୋଲି ଘୋଷଣା କରିବାପାଇଁ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ପ୍ରସ୍ତାବରେ କେନ୍ଦ୍ର ରାଜି ହୋଇଗଲା ।

ତେବେ ନିକଟରେ ଓଡ଼ିଶାର ପାଇକ ବିଦ୍ରୋହକୁ ପ୍ରଥମ ସ୍ୱାଧୀନତା ସଂଗ୍ରାମ ବୋଲି ଘୋଷଣା କରିବାକୁ କେନ୍ଦ୍ର ମନା କରିଦେବା ପରେ ଓଡିଶାର ଲୋକେ ଆଶ୍ଚର୍ଯ୍ୟ ହେବା ସହିତ ସେମାନଙ୍କୁ କଷ୍ଟ ଦେଇଛି । ସଂସଦରେ ୨ ଡିସେମ୍ବର, ୨୦୨୧ ରେ ଅଣତାରକା ପ୍ରଶ୍ନ ନଂ ୪୮୫ ର ଉତ୍ତର ଦେଇ ମାନ୍ୟବର କେନ୍ଦ୍ର ସଂସ୍କୃତି ମନ୍ତ୍ରୀ କହିଛନ୍ତି ଯେ ପାଇକ ବିଦ୍ରୋହକୁ ସ୍ୱାଧୀନତାର ପ୍ରଥମ ସଂଗ୍ରାମ କୁହାଯାଇପାରିବ ନାହିଁ । ଉତ୍ତରରେ ଆହୁରି ଅଧିକ ଯନ୍ତ୍ରଣାଦାୟକ ହେଉଛି, ଏହି ଐତିହାସିକ ପାଇକ ବିଦ୍ରୋହକୁ ଏନ୍‍ସିଇଆରଟିର ଅଷ୍ଟମ ଶ୍ରେଣୀର ଇତିହାସ ପାଠ୍ୟପୁସ୍ତକରେ କେବଳ ଏକ \’କେସ୍ ଷ୍ଟଡି\’ ଭାବେ ସ୍ଥାନ ପାଇବ ଯାହାକି ୧୮୫୭ କାର୍ଯ୍ୟକ୍ରମ ସହିତ ଜଡିତ, ଯାହାଦ୍ୱାରା ଏହି ମହତ୍ୱପୂର୍ଣ୍ଣ ପାଇକ ବିଦ୍ରୋହକୁ କେବଳ ୧୮୫୭ ର ଏକ ପାଦଚିହ୍ନ ଭାବରେ ଉପସ୍ଥାପନ କରାଯିବ ।

ଆମେ, ଓଡିଶାର ର୍ନିବାଚିତ ଲୋକ ପ୍ରତିନିଧୀମାନେ, ଭାରତ ଏବଂ ସମଗ୍ର ବିଶ୍ୱରୁ ଓଡିଆଙ୍କ ଠାରୁ ଶହ ଶହ ଫୋନ୍‍କଲ୍ ଗ୍ରହଣ କରୁଛୁ, ଯେଉଁମାନେ ଏହି ଉତ୍ତରକୁ ଓଡିଶାର ସମୃଦ୍ଧ ଇତିହାସ ଏବଂ ସଂସ୍କୃତି ପ୍ରତି ଅପମାନ ବୋଲି ବିଚାରୁଛନ୍ତି । ଏହା ହେଉଛି ଓଡିଆ ଅସ୍ମିତା, ଓଡିଆ ଇଟିହାସ୍‌, ଓଡିଆ ସଂସ୍କୃତି, ଓଡିଆ ସଭ୍ୟତା, ଓଡିଆ ଆତିଥ୍ୟ ଏବଂ ଓଡିଆ ପରମ୍ପରା ପାଇଁ ଏହା ଏକ ବଡ଼ କ୍ଷତି । ଓଡିଶାର ୪.୫ କୋଟି ଲୋକ ତଥା ସମଗ୍ର ବିଶ୍ୱରେ ଗର୍ବିତ ଓଡିଆମାନେ ସେମାନଙ୍କର ଓଡିଆ ପରିଚୟ ଏବଂ ଇତିହାସରେ ଏହି ଆଘାତ ପାଇଁ ଦୁଃଖିତ ।

ଓଡିଶାର ୪.୫ କୋଟି ଲୋକଙ୍କ ସହ ଆମେ ଦୃଢ ଭାବରେ ଦାବି କରୁଛୁ ଯେ ଭାରତ ସରକାର ତୁରନ୍ତ ପାଇକ ବିଦ୍ରୋହକୁ ସ୍ୱାଧୀନତାର ପ୍ରଥମ ସଂଗ୍ରାମ ଭାବରେ ଘୋଷଣା କରିବା ଉଚିତ ଏବଂ ମାନବ ସମ୍ବଳ ବିକାଶର ତତ୍କାଳୀନ ମାନ୍ୟବର କେନ୍ଦ୍ର ମନ୍ତ୍ରୀଙ୍କ ମତକୁ ମଧ୍ୟ ବିଚାର କରିବା ଉଚିତ୍‍ । ଏହି ଦାବି ପୂରଣ ନହେବା ପର୍ଯ୍ୟନ୍ତ, ଓଡିଶାର ଗର୍ବ ଏବଂ ଗୌରବ ଏବଂ ୪.୫ କୋଟି ଓଡିଆ ଆମକୁ ବିଶ୍ରାମ ନେବାକୁ ଦେବେ ନାହିଁ । ଆଜିର ଏହି ଦାବିପତ୍ର ପ୍ରଦାନ ସମୟରେ ବିଜେଡିର ଲୋକସଭା ଓ ରାଜ୍ୟସଭାର ସାଂସଦମାନେ ଉପସ୍ଥିତ ଥିଲେ ।

LEAVE A REPLY

Please enter your comment!
Please enter your name here