ଭୁବନେଶ୍ୱର : ଦକ୍ଷତା ବିକାଶ ଦିଗରେ ଏକ ଗୁରୁତ୍ୱପୂର୍ଣ୍ଣ ଆଭିଯାନରେ, (ନୂତନ ଉନ୍ନତ ଅଭିଳାଷା ) ନୂଆ ଓଡିଶା ସହିତ, ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ବିଭାଗ, ଓଡ଼ିଶା ସରକାର ୧୭ ଜଣ ଆଶାୟୀ ବ୍ୟକ୍ତିଙ୍କୁ ବାର୍ଡ ଏକାଡେମୀରେ ବିମାନବନ୍ଦର ଗ୍ରାଉଣ୍ଡ ହ୍ୟାଣ୍ଡଲିଂ ଟ୍ରେନିଂ ପାଇଁ କେରଳର କୋଚିକୁ ପଠାଇଛନ୍ତି ।
ଏହି ବିସ୍ତୃତ ପ୍ରଶିକ୍ଷଣ କାର୍ଯ୍ୟକ୍ରମ ୨୭୦ ଦିନ ବ୍ୟାପି ଚାଲିବ । ୯୦ ଦିନର ତତ୍ବ ଭିତ୍ତିକ ନିର୍ଦ୍ଦେଶାବଳୀ ସହିତ ୧୮୦ ଦିନ ଅନ-ଜବ୍ ଟ୍ରେନିଙ୍ଗ ଅନ୍ତର୍ଭୁକ୍ତ । ଭୁବନେଶ୍ୱରରେ ବାର୍ଡ ଏକାଡେମୀର ବିଶେଷଜ୍ଞଙ୍କ ଦ୍ୱାରା ପରିଚାଳିତ ଏକ ଯନିଶୀଳ ସାକ୍ଷାତକାର ଏବଂ ବ୍ୟକ୍ତିଗତ ପରୀକ୍ଷଣ ମାଧ୍ୟମରେ ଅନୁଷ୍ଠିତ ଚୟନ ପ୍ରକ୍ରିୟାରେ ୧୭ ଜଣ ପ୍ରାର୍ଥୀଙ୍କୁ ବାଛା ଯାଇଥିଲା ।
ନୂଆ ଓଡିଶା କାର୍ଯ୍ୟକ୍ରମ ଅଧୀନରେ ଏହି ତାଲିମ ପ୍ରାପ୍ତ ବ୍ୟକ୍ତିଙ୍କ ପାଇଁ ତାଲିମ, ରହଣି, ବୋର୍ଡିଂ ଏବଂ ଭ୍ରମଣ ସହ ଜଡିତ ସମସ୍ତ ଖର୍ଚ୍ଚ ସ୍କିଲ୍ ଡେଭଲପମେଣ୍ଟ ବହନ କରିବ ଅଧିକ;, ବାର୍ଡ ଏକାଡେମୀ ଏହି ବିଶେଷ ବିମାନ ଚଳାଚଳ ଚାକିରିରେ ତାଲିମପ୍ରାପ୍ତ ବ୍ୟକ୍ତିବିଶେଷଙ୍କ ପାଇଁ ନିଯୁକ୍ତି ସୁଯୋଗ ସଷ୍ଟି କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାକୁ ପ୍ରତିଶ୍ରୁତି ଦେଇଛି ।
ଏହି ପଦକ୍ଷେପ କେବଳ ଦକ୍ଷତା ବିକାଶ ପାଇଁ ଏକ ପ୍ରତିବଦ୍ଧତାକୁ ସୂଚିତ କରେ ନାହିଁ ବରଂ ପ୍ରତିଭା ପ୍ରତିପୋଷଣ ତଥା ଓଡିଶାର ଯୁବକମାନଙ୍କୁ ବିମାନ ଚଳାଚଳ କ୍ଷେତ୍ରରେ ନୂତନ ଉଚ୍ଚତାକୁ ବୃଦ୍ଧି ପାଇଁ ସୁଯୋଗ ଯୋଗାଇବାରେ ରାଜ୍ୟ ସରକାରଙ୍କ ଉତ୍ସର୍ଗୀକୃତତାକୁ ସୂଚିତ କରେ ।
ଆଗାମୀ ତିନିବର୍ଷ ମଧ୍ୟରେ ଉଦୀୟମାନ ଶିଳ୍ପରେ ଅତି କମରେ ବାର୍ଷିକ ଏକ ଲକ୍ଷ ଯୁବକଙ୍କୁ ଦକ୍ଷତା ହାସଲ କରିବାକୁ ନୂଆ ଓଡିଶା ଲକ୍ଷ୍ୟ ରଖିଛି । ଶିଳ୍ପ ସଂଯୋଗ ସହିତ ନିଯୁକ୍ତିକୁ ବଢାଇବା ପାଇଁ ଯୁବକମାନଙ୍କୁ ଉଚ୍ଚ-ଗୁଣାତ୍ମକ ତାଲିମ ପ୍ରଦାନ କରାଯିବ ।