Home Covid ତୃତୀୟ ଲହର ସମସ୍ତଙ୍କୁ ପ୍ରଭାବିତ କରିପାରେ

ତୃତୀୟ ଲହର ସମସ୍ତଙ୍କୁ ପ୍ରଭାବିତ କରିପାରେ

74
0

ଭୁବନେଶ୍ୱର: କୋଭିଡ-୧୯ର ତୃତୀୟ ଲହର ପିଲାମାନଙ୍କ ବ୍ୟତିତ ଦେଶର ସମସ୍ତ ବୟସ ବର୍ଗର ଲୋକଙ୍କୁ ପ୍ରଭାବିତ କରିପାରେ ବୋଲି ଇନଷ୍ଟିଚ୍ୟୁଟ୍ ଅଫ୍ ଲାଇଫ୍ ସାଇନ୍ସେସ୍ (ଆଇଏଲ୍‌ଏସ୍‌) ନିର୍ଦ୍ଦେଶକ ଅଜୟ ପରିଡା କହିଛନ୍ତି ।

ଏଠାରେ ଗଣମାଧ୍ୟମକୁ ସୂଚନା ଦେଇ ଡକ୍ଟର ପରିଡା କହିଛନ୍ତି ଯେ ଯଦି ଦେଶରେ କୋଭିଡ-୧୯ ର ତୃତୀୟ ଲହର ଆସିଯାଏ ତେବେ ଏହା ଦ୍ୱିତୀୟ ଲହର ଭଳି ଘାତକ ହେବ ।

ଡକ୍ଟର ପରିଡା କହିଛନ୍ତି ଯେ କେବଳ ପିଲାମାନେ ନୁହଁନ୍ତି, ସମ୍ଭାବ୍ୟ ତୃତୀୟ ଲହର ଅନ୍ୟମାନଙ୍କୁ ମଧ୍ୟ କ୍ଷତି କରିପାରେ ।

ତେବେ ତୃତୀୟ ଲହରର ପ୍ରଭାବ ତିନୋଟି ଦିଗ ଉପରେ ର୍ନିଭର କରେ – ଟୀକାକରଣ, ଭୂତାଣୁର ମ୍ୟୁଟେସନରେ ପରିବର୍ତ୍ତନ ଏବଂ କୋଭିଡ ମାର୍ଗଦର୍ଶିକାଗୁଡିକ ପାଳନ କରିବା ।

ସେ କହିଛନ୍ତି ଯେ ରାଜ୍ୟରେ ତୃତୀୟ ଲହରର ସମ୍ଭାବ୍ୟ ସଂକ୍ରମଣର ମୁକାବିଲା ପାଇଁ ଓଡିଶା ସରକାର ପ୍ରସ୍ତୁତି ଆରମ୍ଭ କରିସାରିଛନ୍ତି ।

ମହାମାରୀର ଦ୍ୱିତୀୟ ଲହରରେ ବର୍ତ୍ତମାନ କୋଭିଡ ମହାମାରୀ ଉପରେ ଡକ୍ଟର ପରିଡା କହିଛନ୍ତି ଯେ ଭାରତରେ ଦେଖା ଦେଇଥିବା ବି୧.୬୧୭.୨ ଭୂତାଣୁ ୬୦% ଜନସଂଖ୍ୟାକୁ ସଂକ୍ରମିତ କରୁଥିବା ଦେଖିବାକୁ ମିଳିଛି । ସମାନ ପ୍ରକାରରେ ଓଡିଶାରେ ମଧ୍ୟ ସଂକ୍ରମଣ ହୋଇଥିଲା ।

ସେ କହିଛନ୍ତି ଯେ ମଇ ୧୫ ରୁ ୨୫ ମଧ୍ୟରେ ଦ୍ୱିତୀୟ ଲହର ଓଡ଼ିଶାରେ ଶୀର୍ଷରେ ଥିଲା । ଖୋର୍ଧା, କଟକ ଏବଂ ଢେଙ୍କାନାଳ ଭଳି ଜିଲ୍ଲାରେ ସଂକ୍ରମଣ ମାମଲା ଅଧିକ କିନ୍ତୁ ଆସନ୍ତା ୧୦ ରୁ ୧୫ ଦିନ ମଧ୍ୟରେ ପଜିଟିଭିଟି ହାର ହ୍ରାସ ପାଇବ ବୋଲି ଆଶା କରାଯାଉଛି । ସେ କହିଛନ୍ତି ଯେ ଜାତୀୟ ହାର ତୁଳନାରେ ଓଡିଶାର ଅବସ୍ଥା ଭଲ ଅଛି ।

କୋଭିଡ ରୋଗୀଙ୍କ ମଧ୍ୟରେ ଗୁରୁତର ସଂକ୍ରମଣ ହେତୁ ମୃତ୍ୟୁ ସଂଖ୍ୟା ବୃଦ୍ଧି ପାଉଛି । ରାଜ୍ୟରେ କୋଭିଡ ମୃତ୍ୟୁ ବୃଦ୍ଧି ପଛରେ ଅବହେଳା ହେଉଛି ଅନ୍ୟତମ । ଅନେକ କ୍ଷେତ୍ରରେ, ସଂକ୍ରମିତ ବ୍ୟକ୍ତି ଏହାକୁ ଅନ୍ୟମାନଙ୍କଠାରୁ ଲୁଚାନ୍ତି ଏବଂ ପ୍ରାଥମିକ ଅବସ୍ଥାରେ ସଂକ୍ରମଣର ଚିକିତ୍ସା ପାଇଁ ଡାକ୍ତରଙ୍କ ସହିତ ପରାମର୍ଶ କରନ୍ତି ନାହିଁ, ଯେଉଁଥିପାଇଁ ଗମ୍ଭୀରତା ଦେଖାଯାଏ ।

LEAVE A REPLY

Please enter your comment!
Please enter your name here