ଭୁବନେଶ୍ୱର : ଜୀବନରେଖା ପରିଷଦ ଓ ଭୁବନେଶ୍ୱରର କେଟି ଗ୍ଲୋବାଲ ସ୍କୁଲ, ବାଙ୍ଗାଲୋରର ବିଦ୍ୟାଶିଳ୍ପ ଏକାଡେମୀ ର ସହଯୋଗ ଏବଂ , ଫ୍ରାନ୍ସ ର ଗ୍ଲୋବାଲ ସିଟିଜେନ୍ ଅଫ୍ ଟୁମରୋ ସହାୟତାରେ ଉପରୋକ୍ତ ସାଂସ୍କୃତିକ ଆବିଷ୍କାର କାର୍ଯ୍ୟକ୍ରମ ଅଧୀନରେ ଅକ୍ଟୋବର ୨୬ରୁ ୩୧ ତାରିଖ ପର୍ଯ୍ୟନ୍ତ ଷ୍ଟୁଡେଣ୍ଟ ଏସଡିଜି ପରିଦର୍ଶନ ଆୟୋଜନ କରାଯାଇଥିଲା |
ଏହି କାର୍ଯ୍ୟକ୍ରମର ଉଦ୍ଦେଶ୍ୟ ହେଉଛି ଜାତିସଂଘର ୧୭ଟି ନିରନ୍ତର ଲକ୍ଷ୍ୟ ବିଷୟରେ ଛାତ୍ରଛାତ୍ରୀଙ୍କ ମଧ୍ୟରେ ସଚେତନତା ସୃଷ୍ଟି କରିବା ଏବଂ ବିଦ୍ୟାଶୀଳପୁରର ତିନି ଜଣ ଶିକ୍ଷକଙ୍କ ସହ ବିଦ୍ୟାଳୟ ଭିତ୍ତିକ ଉଦ୍ୟୋଗ ବିକାଶ କାର୍ଯ୍ୟକ୍ରମ ସୃଷ୍ଟି ଏବଂ ସହଯୋଗ କରିବା । ଏହି ଅବସରରେ ଛାତ୍ରଛାତ୍ରୀମାନେ କେଟି ଗ୍ଲୋବାଲ ସ୍କୁଲ ସହ ଆଦିବାସୀ ଗ୍ରାମ, ଐତିହ୍ୟ ଗ୍ରାମ, ସୂର୍ଯ୍ୟ ମନ୍ଦିର,ଚିଲିକା ଲାଗୁନ ଆଦି ପରିଦର୍ଶନ କରିଥିଲେ।
କେଟିଜିଏସର ଛାତ୍ରଛାତ୍ରୀ ଏବଂ କେଟିଜିଏସରେ କାର୍ଯ୍ୟରତ ଫ୍ରାନ୍ସ ସ୍ୱେଚ୍ଛାସେବୀମାନେ ମଧ୍ୟ ଓଡ଼ିଶାରେ ଏସଡିଜି ଗସ୍ତରେ ଅଂଶଗ୍ରହଣ କରିଥିଲେ । ଏହି ଅଭିନବ କାର୍ଯ୍ୟକ୍ରମକୁ ଜାତୀୟ ଓ ଆନ୍ତର୍ଜାତୀୟ ସ୍ତରରେ ପ୍ରସାରିତ କରିବାକୁ କେଟିଜିଏସ୍ ଯୋଜନା କରୁଛି।