Home Health ଅନ୍ଧାରୁଆଠାରେ ଟୀକା ପ୍ରସ୍ତୁତ ୟୁନିଟ୍

ଅନ୍ଧାରୁଆଠାରେ ଟୀକା ପ୍ରସ୍ତୁତ ୟୁନିଟ୍

ଖୋର୍ଦ୍ଧାର ଅନ୍ଧାରୁଆଠାରେ ଏକ ଉନ୍ନତ ତଥା ବିକଶିତ ପ୍ରତିଷେଧକ ଟୀକା ପ୍ରସ୍ତୁତକାରୀ ୟୁନିଟ୍‌ ସ୍ଥାପନ ପାଇଁ ତୃଣମୂଳସ୍ତରରେ ନିର୍ମାଣ କାର୍ଯ୍ୟ ଆରମ୍ଭ କରିବାକୁ ମୁଖ୍ୟ ଶାସନ ସଚିବ ଶ୍ରୀ ଅସିତ ତ୍ରିପାଠୀ ନିର୍ଦ୍ଦେଶ ଦେଇଛନ୍ତି । ସେ ମଧ୍ୟ ପ୍ରମୁଖ ନିର୍ମାତା ମେସର୍ସ ଭାରତ ବାୟୋଟେକ୍‌ ଇଣ୍ଟରନ୍ୟାସନାଲ ଲିଃକୁ ଅତ୍ୟାଧୁନିକ ବାୟୋଟେକ୍‌ ଇନ୍‌କୁବେସନ୍‌ କେନ୍ଦ୍ର, ସାଧାରଣ ସୁବିଧା ଓ ଆଇଟି କରିଡର ସ୍ଥାପନ ପାଇଁ ନିର୍ଦ୍ଦେଶ ଦେଇଛନ୍ତି ।

ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର ସଚିବ ଏବଂ ଓଡ଼ିଶା ଶିଳ୍ପ ଉନ୍ନୟନ ନିଗମର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ସଂଜୟ କୁମାର ସିଂ କହିଛନ୍ତି ଯେ କାର୍ଯ୍ୟ ଆରମ୍ଭ କରିବା ପାଇଁ ଅନ୍ଧାରୁଆର ବାୟୋଟେକ୍‌ ପାର୍କଠାରେ ଜମି ଉପଲବ୍ଧ ଅଛି । କୋଠାର ନକ୍ସା ମଧ୍ୟ ଅନୁମୋଦିତ ହୋଇଛି ।

ବିଭିନ୍ନ ଇନକ୍ୟୁବେସନ‌ ସେଣ୍ଟରରେ ୭୭୪ଟି ଷ୍ଟାର୍ଟଅପ୍‌ କାର୍ଯ୍ୟକରୁଛି, ଯାହା ମଧ୍ୟରୁ ୬୫ଟି ଇନ୍‌କୁ୍ୟବେଟର ପାଟେଣ୍ଟ, ଟ୍ରେଡ୍‌ ମାର୍କ ଓ କପି ରାଇଟ୍‌ ଆଦି ହାସଲ କରିଛନ୍ତି । ପ୍ରାୟ ୭୫ଟି ଷ୍ଟାର୍ଟଅପ୍‌ ବାୟୋଟେକ୍‌ ଓ ସ୍ୱାସ୍ଥ୍ୟ କ୍ଷେତ୍ରରେ କାର୍ଯ୍ୟ କରୁଛନ୍ତି ବୋଲି ସେ କହିଛନ୍ତି ।

ଉନ୍ନୟନ କମିଶନର ତଥା ଅତିରିକ୍ତ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର, ବିଜ୍ଞାନ ଓ ବୈଷୟିକ ବିଭାଗର ପ୍ରମୁଖ ଶାସନ ସଚିବ ସନ୍ତୋଷ ଷଡଙ୍ଗୀ, ଭାରତୀୟ ଜୀବବିଜ୍ଞାନ ପ୍ରତିଷ୍ଠାନ, ଭୁବନେଶ୍ୱରର ନିର୍ଦ୍ଦେଶକ ଡ. ଅଜୟ ପରିଡା ଏବଂ ବିଜ୍ଞାନ ଓ ବୈଷୟିକ ବିଭାଗ, ଇଡ୍‌କୋର ବରିଷ୍ଠ ଅଧିକାରୀ, କିଟ୍‌ ବାୟୋଟେକ୍‌ ଇନ୍‌କୁବେସନ୍‌ ସେଣ୍ଟରର କର୍ମକର୍ତ୍ତାମାନେ ଏହି ବୈଠକରେ ଯୋଗଦେଇଥିଲେ ।

LEAVE A REPLY

Please enter your comment!
Please enter your name here